+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

Kózi kórmeıtin mýzykant: Álemdi júrekpen sezinemin

2020 jylǵy 22 aqpan 13:20
Bólisińiz:
Kózi kórmeıtin mýzykant: Álemdi júrekpen sezinemin

NUR-SULTAN. QazAqparat - Elorda turǵyny Azamat Temirbaevtyń kózi 5-7% ǵana kóredi. Aınalasyn, sondaı-aq janyndaǵy adamdardy bulyńǵyr kúıde ǵana kóretin ol álemdi bas kózi emes, júrek kózimen sezetinin aıtty. «QazAqparat» tilshisi taǵdyr synaǵynasynbaı, ómirdiń ár sátinen shabyt alyp, án jazatyn keıipkerden suhbat aldy.

Uqsas jańalyqtar
Roza Rymbaeva kópshiliktiń suraýymen onlaın rejımdegi ekinshi kontsertin usynady Jambylda ál-Farabıdiń 1150, Abaıdyń 175 jyldyǵyna oraı onlaın baıqaýlar uıymdastyrylady Jambyldaǵy mádenı mekemeler onlaın-rejımde jumys istep jatyr

- Qaı jerde týyp-ósip, alǵash ret mýzykaǵa áýestene bastadyńyz?

- Men Pavlodar oblysy, Ekibastuz qalasynyń týmasymyn. Ata-ájemniń balasymyn. 7 jasymnan bastap Almatydaǵy Ostrovskıı atyndaǵy zaǵıptar jáne kózderi nashar kóretin balalarǵa arnalǵan arnaıy mektep-ınternatta oqydym. Ata-anam sol kezde jumys babymen Pavlodar oblysynda qaldy. Almatyǵa menimen birge ákemniń ápkesi bardy. Meniń jasym 35-ke keldi, ápkem áli kúnge deıin meniń qasymda. Eki qaryndasym bar. Olar turmysta. Al mýzykaǵa degen mahabbatymdy oıatqan – meniń atam. Ol dombyrada oınaıtyn jáne dombyra shertýdi maǵan alǵash úıretken de atam. Ony alǵashqy ustazym dep sanaımyn.


- Qazirgi ýaqytta mýzykamen kásibı turǵyda aınalysasyz. Arnaıy oqý ornyn bitirdińiz be?

- Mektep bitirgennen keıin P.Chaıkovskıı atyndaǵy mýzykalyq kolledjde, odan keıin Júrgenov atyndaǵy óner akademııasynda oqydym. Kolledj ben óner akademııasynda bas-gıtarany meńgerdim. Qazirgi ýaqytta «Qazaqkontsert» memlekettik kontserttik uıymynyń janyndaǵy Saz and Soul ujymynda jumys isteımin. Sonymen qatar ózim án jazýmen aınalysamyn.

- Osy salada qandaı jetistikke jettińiz?

- Bolgarııada ótken halyqaralyq baıqaýda bas-gıtaramen qatysyp, birinshi oryn aldym. 2018 jyly Ispanııada ótken baıqaýǵa ánshi retinde qatysyp, ekinshi oryn aldym.

- Kóbinese qandaı janrdaǵy ánderdi tyńdaısyz?

- Men djaz, soýl, klassıka janryndaǵy ánderdi tyńdaımyn, biraq óz basymnyń ishindegi áýendi kóbirek tyńdaýǵa tyrysamyn. Úlken sahnalarda óner kórsetpegenimmen, án jazý maǵan unaıdy. Qazirgi ýaqytta maǵan ne unaıdy, sonymen kóbirek aınalysýǵa tyrysyp júrmin. Ár qadam maqsatqa jaqyndatady

- Jeke shyǵarmashylyqpen aınalysyp, án jaza bastaǵanyńyzǵa qansha ýaqyt boldy?

- 2015 jyldan bastap jeke shyǵarmashylyqpen aınalysa bastadym. Ol kezde áleýmettik jeli, jumysyńdy aqyly túrde jarnamalaý degendi kóp bile bermeıtinmin. Endi osynyń bárin qolǵa alýym kerek. Qazirgi ýaqytta 4-5 ánim bar. Sońǵy jazǵan «Eń ádemi» ániniń sózin de, ánin de ózim jazdym.


- Sizdi ne shabyttandyrady? Ánderińiz belgili bir jaǵdaıǵa baılanysty týyndap, áldebir adamdarǵa arnalǵan ba?

- Jazǵan ánderim belgili bir adamǵa arnalmaǵan. Men úshin án – adam janynyń bir kúıi. Shabyt kelgen kezde keıinge shegermeı, birden dıktofonǵa jazyp alamyn. Án qalaı týyndaıtynyn túsindirip jetkizý qıyn. Eń bastysy: án jazý barasynda nıetiń – aq, júregiń – taza, bolmysyń – shynaıy bolýy kerek.

- Saz and Soul tobymen júrgen kezde qandada bir qyzyqty jaǵdaılar bolyp turatyn shyǵar. Solardyń birin aıtyp bere alasyz ba?

- 2012 jyly «H faktor» baǵdarlamasynda marqum Batyrhan Shúkenov «Ne rassakazyvaı» ánin aıtý úshin mýzykanttardy shaqyrdy. Sol kezde men bas-gıtarada oınadym. Batyrhan aǵanyń júzin anyq kórý múmkindigi bolmaǵanmen, onyń talap qoıa biletin, mýzykanttardan ne qalaıtynyn túsinetin adam retinde qabyldadym.


- Kózińizdi emdetý úshin áreket jasap kórdińizder me?

- Kózimniń 5-7 paıyzy ǵana kóredi. Bul – týabitti dert. Emdelý úshin Germanııaǵa, Amerıkaǵa bardym. Shetelge úkili úmitpen barǵan kezde dárigerler eshqandaı jolmen kómektese almaıtyndaryn aıtqan kezde kóńiliń túsip qalady. Men qandaıda bir sheshim qabyldar kezde «Bári oıdaǵydaı bolsa ne bolady? Bári oıdaǵydaı bolmasa ne bolady?» degen sııaqty eki suraqqa jaýap beremin. Sondyqtan dárigerlerdiń jaýabyn estigen kezde kóńilim túsip qalǵanmen, «dál osyndaı kúıde 35 jyl ómir súrdiń emes pe? Onyń nesi qıyn?!» dep ózimdi jigerlendirip, esimdi jıyp alamyn.

- Osyndaı erekshelikpen týǵan adamdar ádette ózderin qoǵamnan alshaq sezinedi. Sizdiń jaǵdaıyńyzda olaı emes. Turaqty jumysyńyz da bar, shyǵarmashylyqpen de aınalysyp júrsiz, dostaryńyz da kóp. Munyń syry nede dep oılaısyz?

- Men ózimdi qoǵamnan alshaq sezinbeımin, kerisinshe qoǵam jatyrqaı qaraýy múmkin. Shyn máninde ár adam erekshe, qaıtalanbas, ózindik qabileti bar tulǵa. Mysaly, bizdiń kózimiz durys kórmegenmen, basqa sezim múshelerimiz jaqsy damyǵan. Adamnyń daýysy, júrisiniń dybysynan-aq adam minezin ańǵarýǵa bolady. Ár adamnyń ózine tán energetıkasy bolady, sony seze bilemiz.


- Ómir tańdaý múmkindikterinen, alǵa maqsat qoıý, sheshim qabyldaýdan turady. Ómirińizdegi durys sheshim qabyldaǵan kezderińiz kóp pe?

- Meniń eki qaryndasym turmysqa shyǵyp, 2012 jyly ata-anam astanadan Almatyǵa kóship kelmek boldy. Olar meniń qasymda bolǵylary kelgenmen, taýly aımaq bolǵan soń densaýlyqtaryna jaqpady. Odan keıin men olardyń qasyna astanaǵa kóship kelý týraly sheshim qabyldadym. Bul týraly olarǵa aıtqanda keremet qýandy. Negizi ol kezde Almatyda jaqsy jobalarda jumys istep júrdim. Kúni boıy jumysta bolatynmyn, ıaǵnı suranys joǵary boldy. Ol jaqtyń kóktemi de, jazy da, kúzi de, qysy da erekshe, al bul jaqta tek qys pen jaz mezgilderi ǵana bolatyn sııaqty. Astanaǵa keletin bir ǵana sebep – ata-anamnyń qasynda bolý edi. Osy jaqqa kelgende kásibı mýzykanttar az ekenin baıqadym. 2017 jyly anam qaıtys boldy. Sol kezde men bul jaqqa beker kelmegenimdi, durys sheshim qabyldaǵanymdy túsindim. Olardyń janyna erterek kelýim kerek pe edi dep te oıladym. Qazirgi ýaqytta ákem, únemi meniń qasymnan tabylǵan ápkem bárimiz birge turamyz.

- Arman, maqsattaryńyzben bólise alasyz ba?

- Maqsatym – mýzyka salasynda ózimniń qabiletimdi jetildire túsý. Meniń ánderim tyńdarmannyń júreginen oryn tapsa, bireýge qýanysh syılap, bireýge oı salyp, ártúrli áserge bólese qandaı jaqsy. Taǵy bir maqsatym – otbasyn qurý. Al armanym – álemge áıgili tulǵa bolmasam da, mádenıet salasynda óz izimdi qaldyrǵym keledi. Osy alǵan betimnen qaıtpaı, 45-50 jasqa deıin shyǵarmashylyq turǵyda tolyqqan adam bolyp qalyptassam – maqsattyń oryndalǵany.

- Suhbatyńyz úshin rahmet!

Bizdiń kanalymyzǵa jazylyńyz:

Basty sózder: Nur-Sultan, Mádenıet,
Bólisińiz:

Avtor:

Zarına Qaharman

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT