+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qoımalardan jiberiletin dári-dármekterdiń kólemi jeti esege ósti - Saıda Erdenbekova

2020 jylǵy 15 shilde 17:16
Bólisińiz:
Qoımalardan jiberiletin dári-dármekterdiń kólemi jeti esege ósti - Saıda Erdenbekova

ALMATY. QazAqparat – Dári dármekterdi rásimdeý men sertıfıkattaýdy jedeldetý arqasynda iri jetkizýshilerdiń shetelden keletin dári-dármekterdiń kólemin ulǵaıtýǵa múmkindigi artyp otyr, dep habarlaıdy QazAqparat tilshisi.

Uqsas jańalyqtar
Qyzylordada qalalyq aýrýhana qalypty jumysqa qaıta kóshti Basy daýǵa qalǵan Almaty oblysynyń bas sanıtarlyq dárigeri halyqtan keshirim surady Shymkentte margantsovka iship qoıǵan 3 jasar búldirshindi dárigerler aman alyp qaldy

«Medservıs plıýs» farmatsevtik kompanııasynyń bıznesti damytý jónindegi dırektory Saıda Erdenbekova Almatydaǵy koronavırýs pandemııasyna baılanysty farmqoımalardyń kúsheıtilgen rejımde jumys jasap jatqanyn aıtty.

Ol óziniń sózinde Almaty dárihanalaryna dári-dármektiń der kezinde jetýi úshin qoımanyń 80 qyzmetkeri eńbek etip jatqanyn tilge tıek etti.

S. Erdenbekovanyń málimeti boıynsha, sońǵy eki aptada ómirlik mańyzy bar dári-dármekke degen suranys kúrt artqan. Burynǵy kezeńmen salystyrǵanda, dárihanalarǵa jiberiletin preparattardyń kólemi shamamen jeti esege ulǵaıǵan. Qoımalarda medıkamentterdiń 12 myń túri bar. Kompanııa kún saıyn júk tıelgen jeti fýrany qabyldaıdy.

«Kún saıyn úlken júk kólikterin, shamamen 5-7 fýrany qabyldaımyz. Olarǵa tıelgen taýarlar qoımalarda óńdeledi, artynan Almatynyń dárihanalaryna bólinedi. Bizdiń kompanııa qalanyń 700-800-ge jýyq dárihanalaryna qyzmet kórsetedi», - dedi S. Erdenbekova.

«Medservıs plıýs» kompanııasynyń qoımalary 2016 jyldan bastap jumys jasaýda. Munda avstrııalyq konveıer jelisi, gravıtatsııalyq stellajdar jáne evropalyq óndiris jabdyqtary qoldanylady.

«Pandemııa bastalǵaly beri adamdar aıanbaı jumys isteýde. Megapolıstiń dárihanalaryna taýardy der kezinde jetkizý úshin qyzmetkerlerimiz keıde tún jarymyna deıin qalyp, jumys isteıdi. Biz barlyǵymyz qalada qandaı kúrdeli ahýaldyń qalyptasqanyn jaqsy túsinemiz. Sondyqtan ıgi bastamalardyń ıeleri – kompanııa qyzmetkerleri. Qajet bolsa biz de tún jarymyna deıin qalamyz», - dedi S. Erdenbekova.

Ol qala basshylyǵynyń sertıfıkattardy jedel rásimdeýge, logıstıka men júkti tıeýge pármendi kómek kórsetip otyrǵanyn atap ótti.

«Ákimdik tarapynan aıryqsha qoldaý kórsetilýde, ásirese olar jibergen volonterlar júkti túsirý men bólýge, tasymaldaýǵa der kezinde kómek kórsetýde. Kedendik organdardyń jumystary da retteldi. Qazirgi kezde shetelden jetkizilgen medpreparattar jedel óńdelýde. Ótkir máseleler onlaın sheshimin tabýda. Sonyń arqasynda biz qaı dárihanaǵa kómektesý kerek ekenin, qaı jerde irkilis bolǵanyn, ákimdiktiń qandaı máseleni sheshetinin bilip otyramyz. Bul barynsha yńǵaıly», - dedi S. Erdenbekova.

Aıta keterligi, «Medservıs plıýs» kompanııasy gýmanıtarlyq kómek aıasynda kelgen medıkamentterdi bólýdiń operatory bolyp tabylady.

«Keshe DDSU densaýlyq saqtaý jelisi boıynsha kómek jetkizildi. ıAǵnı, 8 fýra keldi, biz qazir olardy qabyldap, Almaty qalasyna jáne basqa óńirlerge bólýmen aınalysyp jatyrmyz», - dep atap ótti S. Erdenbekova.

Barlyq gýmanıtarlyq kómek tegin medıtsınalyq kómektiń kepildi kólemi aıasynda emhanalar men aýrýhanalarǵa jiberiledi. Kelgen kómek Qazaqstan boıynsha 14 fılıalǵa bólinedi.


Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT