Qoıandy aýylynda tótenshe jaǵdaı jarııalandy
2022 jylǵy 15 maýsym 15:05

Qoıandy aýylynda tótenshe jaǵdaı jarııalandy

NUR-SULTAN. QazAqparat – Aqmola oblysy Tselınograd aýdanynyń Qoıandy aýylynda elektr stantsııasyna naızaǵaı túsip, jergilikti aýqymdaǵy tótenshe jaǵdaı jarııalandy, dep habarlaıdy QazAqparat tilshisi.

«13 maýsymda saǵat 17:00 shamasynda aýyldy elektr jaryǵymen qamtamasyz etip turǵan stantsııaǵa naızaǵaı tústi. Aýyldyń 90 paıyzy bir táýlikten astam jaryqsyz otyrdy. Tek Sofıev aýylyna ótip turǵan elektr jelisine qosýly 10 paıyz úıde ǵana jaryq boldy. Elektr stantsııasyn 14 maýsym kúni saǵat 00:30-da tolyq iske qostyq», - dep túsinik berdi Qoıandy aýylynyń ákimi Aıbek Eseev.

Elektr stantsııasynyń isten shyǵýyna baılanysty 2500-den astam úı bir táýlikke jaryqsyz qalǵan. Ákimniń aıtýynsha, stantsııa tolyqtaı qalpyna keltirildi.

Aıta keteıik, jyl sońyna deıin Qazaqstanda elektr energııasynyń quny qymbattaýy múmkin.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT