+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Qostanaılyq polıtseıler iri kólemde geroın saqtaǵan 40 jastaǵy áıeldi ustady

2020 jylǵy 9 qarasha 20:32
Bólisińiz:
Qostanaılyq polıtseıler iri kólemde geroın saqtaǵan 40 jastaǵy áıeldi ustady

QOSTANAI.QazAqparat – Qostanaı oblysynda birneshe esirtki qylmysy áshkerelendi. Bul týraly Qostanaı oblysy Polıtsııa departamenti bastyǵynyń orynbasary Talǵat Ótetileýov málim etti, dep habarlaıdy QazAqparat tilshisi.

Uqsas jańalyqtar
Tarazda qylmystyq toptyń áreketinen memleketke 10 mlrd teńge shyǵyn keldi Atyraýda esirtkini nasıhattaıtyn birneshe saıtty jarnamalaǵan áıel ustaldy Shýda jergilikti turǵynnyń úıinen 17 keliden astam marıhýana tuqymy tabyldy

Qostanaı oblysy Polıtsııa departamentiniń esirtki qylmysyna qarsy is-qımyl basqarmasy jedel is-sharalar barysynda esirtki quraldary men psıhotroptyq-sıntetıkalyq zattardy tárkiledi.

«2020 jylǵy 28 qazanda Qostanaı qalasynyń Dónenbaeva kóshesinde 40 jastaǵy áıel ustaldy. Tekserý barysynda odan 17 túıinshek esirtki tárizdes zat saqtaǵany anyqtaldy. Ashyq tústi zat saraptamaǵa jiberilip, jalpy salmaǵy 6 gramm bolatyn «geroın» ekeni belgili boldy. Kúdikti ýaqytsha ustaý ızolıatoryna qamaldy. 2 qarasha Qostanaı qalasyndaǵy «ıÝbıleınyı» shaǵyn aýdanynda 20 jastaǵy er adam ustaldy, onyń páterin tekserý barysynda as úıindegi gaz plıtasynyń ishinde taspamen oralǵan, ishinde aq untaq bar 19 polımerli túıinshek tabyldy. Sonymen qatar, túrli tústi untaq tárizdi konsıstentsııasy bar taǵy 4 polıetılen paket tárkilendi, sıntetıkalyq esirtkiniń jalpy salmaǵy 36 gr qurady. Ustalǵan adamǵa qatysty «Kúzetpen ustaý» túrindegi bultartpaý sharasy belgilendi», - deıdi Talǵat Ótetileýov.

Lısakov qalasynyń jedel ýákilderi esirtki saqtap kelgen Qostanaı qalasynyń 25 jastaǵy turǵynyn ustady. Tekserý barysynda suıyq zaty bar 8 kapsýla tabylyp, tárkilendi. Tergeý kezinde qalanyń ártúrli bólikterinde ornalasqan esirtki saqtaıtyn oryndar anyqtaldy. Barlyǵy 21 kapsýla jınaqtalyp, saraptamaǵa jiberildi. Onyń nátıjeleri boıynsha kúdiktige qatysty sheshim qabyldanatyn bolady.

«Barlyq faktiler boıynsha QR QK 297-baby (Esirtki zattardy, psıhotroptyq zattardy, sol tektesterdi zańsyz daıyndaý, qaıta óńdeý, satyp alý, saqtaý, ótkizý maqsatynda tasymaldaý, jóneltý nemese ótkizý) boıynsha sotqa deıingi tergeý júrgizilýde. Jalpy alǵanda, aǵymdaǵy jyly jedel ýákilder zańsyz aınalymnan 470 kg-nan astam túrli esirtki zattaryn, onyń ishinde 450 kg-nan astam marıhýana jáne 235 gr geroın tárkiledi. 15 kılogramnan astam gashısh pen 293 gr sıntetıkalyq esirtki quraldary tabyldy», - deıdi polıtsııa polkovnıgi.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT