+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Qostanaılyq ónertapqysh sal aýrýyna shaldyqqan balalarǵa shana qurastyrdy

2020 jylǵy 16 aqpan 13:10
Bólisińiz:
Qostanaılyq ónertapqysh sal aýrýyna shaldyqqan balalarǵa shana qurastyrdy

NUR-SULTAN. QazAqparat – Qostanaılyq ónertapqysh Meırambek Úrkimbaev ótken jyly elimizde alǵash bolyp sal aýrýymen aýyratyn balalarǵa arnalǵan shana qurastyryp shyqty. Óz balasyna jasaǵan shana arbaǵa birtindep elimizdiń túkpir-túkpirinen tapsyrys túse bastaǵan. Búginde sheber shana arbadan bólek, atalǵan aýrýǵa shaldyqqan balalar úshin zattar jasap, ony kásipke aınaldyryp otyr. QazAqparat tilshisi Meırambek Úrkimbaevpen tildesip, otandyq ónimniń jasalý barysymen jaqynyraq tanysqan bolatyn.

«Balama 1 jasynda DTsP (balalardyń tselebraldy sal aýrýy) dıagnozyn qoıdy. Sodan beri sol aýrýmen kúresip kelemiz. Bıyl ulym 10 jasqa tolady. Emdeý úshin aparmaǵan jerimiz joq. Qazaqstannan bólek, kórshi Reseı, Qytaı, Qyrǵyzstan jáne taǵy basqa elderge aparyp kórdik. Sal aýrýymen aýyratyn balalardy emdeýdiń bir joly – únemi jattyǵý jasap, qozǵalysta bolý. Sol sebepti balamdy kishkentaı kezinen jıi serýendetip, jattyǵý jasaımyz. Sábı shaǵynda arbaǵa otyrǵyzyp serýendetetinbiz, ósken saıyn ol qıynǵa soqty. Oılana kele, arnaıy shana jasaý ıdeıasy keldi. Internetten qarap, kádimgi shana men qarda júrýge arnalǵan arbany (snegohod) biriktirdim. Sóıtip, sal aýrýyna shaldyqqan balalarǵa arnalǵan shana arba qurastyryp shyqtym», - dedi Meırambek Úrkimbaev.

Ýaqyt óte kele, qostanaılyq ónertapqyshqa elimizdiń ár óńirinen tapsyrys túse bastaǵan.

«Shana arbany jasaýda balanyń boı tulǵasy men jas ereksheligi eskeriledi. Jáne ony jasaýǵa 1-2 kún ýaqyt ketedi. Quny 30-35 myń teńgeni quraıdy. Alǵashynda ózimniń balama arnap jasadym. Keıin ýaqyt óte kele adamdardan tapsyrys túse bastady. Osy ýaqytqa deıin 15 shana arba jasap, ol elimizdiń 6-7 oblysyna jóneltildi. Árıne, bul shaǵyn kásipkerlik bolsa da, bári qarjyǵa baılanady. Osy oraıda, byltyr «Damý» baǵdarlamasy arqyly kásipkerlik kýrsynan óttim. Sodan soń óz jobamdy usynyp, nátıjesinde 1 mln 865 myń teńge kólemindegi memlekettik grantqa ıe boldym. Búginde sol qarajatqa qajet qural-jabdyqtar satyp alyp, óz isimdi dóńgeletip otyrmyn», - dedi ol.

Onyń aıtýynsha, qolóner sheberi shanadan bólek, DTsP-ǵa shaldyqqan balalarǵa arnalǵan velosıped, tamaq ishýge arnalǵan oryndyq, syryqtaǵy jattyǵýǵa (brýsıa) arnalǵan qurylǵy jasaıdy.

«Jalpy bizdiń elde sal aýrýynyń zardabyn tartqan jandarǵa arnalǵan qurylǵylar men qajetti zattar joq deýge bolady. Odan bólek, bizde ony jasaıtyn shıkizat ta tapshy. Aıtyp ótkenimdeı, bul aýrýǵa shaldyqqan balalar arnaıy quraldardyń kómegimen kúndelikti jattyǵý jasap otyrýy qajet. Qazir biz jattyǵýǵa kúnine 2 saǵat arnaımyz. Sebebi turaqty jattyǵý balanyń damýyna jaqsy áser etedi. Árıne daıyn qural-jabdyqtar bar, biraq olardyń baǵalary qymbat», - deıdi ónertapqysh.

Quqyq qorǵaý qyzmeti salasynda jumys istegen qostanaılyq turǵyn búginde zeınetkerlikke shyǵyp, balasynyń em-domymen aınalysýda.

«Men ómir boıy quqyq qorǵaý salasynda qyzmet ettim. Búginde zeınetkerlikke shyǵyp, bar ýaqytymdy osy ulymdy emdeý jolyna arnap kelemin. Jalpy, 4 balam bar. Úlken uldarym kásibime qol ushyn sozyp kómektesedi. Bolashaqta osy istiń aıasyn keńeıtip, elimizden bólek, syrtqy naryqqa da shyqqym keledi. Sondaı-aq, osy oılap tapqan qurylǵylardyń avtory retinde patent alǵym keledi. Degenmen onyń bári ýaqyt pen qosymsha qarjyny talap etedi», - dedi M. Úrkimbaev.


Bizdiń kanalymyzǵa jazylyńyz:

Bólisińiz:

Avtor:

Álı Ibraev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT