+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qostanaılyq qus fabrıkasy memleket qoldaýynan úmitti

2020 jylǵy 29 naýryz 11:20
Bólisińiz:
Qostanaılyq qus fabrıkasy memleket qoldaýynan úmitti

QOSTANAI. QazAqparat – Elimizde jumyrtqa sharýashylyǵyna bólinetin sýbsıdııanyń toqtap qalǵanyna qaramastan «Jas-Qanat 2006» qus fabrıkasy ishki naryqty ónimmen tolyq qamtamasyz etip otyr. Bul týraly fabrıkanyń dırektory Qaırat Maıshev «QazAqparat» HAA tilshisine bergen suhbatynda aıtty.

Uqsas jańalyqtar

– Qus fabrıkasy qaı ýaqyttan beri el naryǵynda? Qandaı ınvestıtsııalyq jobalar iske asyryldy?

– «Jas-Qanat 2006» 2007 jyldan bastap kúni búginge deıin jańǵyrtýdyń úsh kezeninen ótti. Kásiporynda barlyq qajetti ınfraqurylym men kommýnıkatsııalar júrgizilip, óndiristik nysandar salyndy, zamanaýı, joǵary tehnologııalyq jabdyqtar satyp alyndy. Qus fabrıkasy jylyna 250 mln dana jumyrtqa shyǵarýǵa qaýqarly. «Tsıfrlyq Qazaqstan» memlekettik baǵdarlamasy aıasynda kásiporyn «Aqyldy qus fabrıkasy» jobasyn iske asyrdy. Kásiporyn avtomattandyrý jáne tsıfrlandyrý turǵysynan úılesim tapqan, barlyq óndiristik protsester 100% avtomattandyryldy. Shıkizatty elektrondy ólsheý júıesi ornatyldy, qurama jem daıyndaý protsesi tolyǵymen jańǵyrtyldy, avtomatty júıeleri bar zamanaýı jasýshalyq jabdyq ákeldik. Oǵan qosa tsehta jumyrtqany ózdiginen suryptaıtyn mashına jumys isteıdi.


– Jańa tehnologııalar óndiris qarqynyna qanshalyqty áser etti?

– Jańǵyrtý men tsıfrlandyrý baǵdarlamalarynyń arqasynda, 2007-2019 jyldar aralyǵynda óndiristik kórsetkishterdiń aıtarlyqtaı ósýine qol jetkizdik. Atap aıtqanda, jumyrtqa óndirý jylyna 7 mln-nan 250 mln-ǵa deıin, et ónimi 30-dan 537 tonnaǵa deıin ósti. Bastapqyda 100 myń qusqa arnalǵan oryn-jaılardyń sany osy kúni 1 mln 400 myńǵa jetti. Nátıjesinde eńbek ónimdiligi 2 esege artty. Bulardyń bári, aınalyp kelgende, Qazaqstannyń agroónerkásiptik keshenine tikeleı áser etedi. Onyń damýy ekonomıkada mańyzdy ról atqarady jáne eldiń turaqty órleýiniń kepili sanalady. Memlekettik qoldaýdyń arqasynda kásiporyn AÓK áleýetin júzege asyrý boıynsha Elbasy N. Nazarbaevtyń qoıǵan birqatar mindetterin oryndady. Qazir azyq-túlik qaýipsizdigi, eńbek ónimdiligi, naryqqa shyǵý – jalǵyz «Jas- Qanat 2006» emes, basqa da taǵamdyq jumyrtqa óndirýshilerdiń aldynda turǵan mindet. Óndiristiń ósip keledi. Sonyń arqasynda AÓK taǵy bir mańyzdy baǵyt – ımportty almastyrý salasyn alǵa shyǵardy. Bul qazir keshendi túrde oryndalýda. Jalpy aıtqanda jumyrtqa sharýashylyǵynyń joǵaryda atalǵan barlyq kórsetkishterine memlekettik qoldaý sharalarynyń arqasynda ǵana qol jetkizildi.


– Jumyrtqanyń ózindik quny qandaı?

– 2019 jyl bir jumyrtqanyń ózindik quny 20,1 teńgege baǵalandy. Ózindik qunnyń 70%-yn jem-shóp bazasy quraıdy. Jumyrtqa óndirisiniń ózindik quny shıkizat baǵasyna tikeleı baılanysty. Otandyq qus fabrıkalary jumyrtqanyń baǵasyn ustap turýǵa tyrysady, sebebi bul – áleýmettik mańyzy bar azyq-túlik ónimi. Al qazirgi jaǵdaı boıynsha óndiristiń ózindik quny satý baǵasynan joǵary. Tıisinshe memlekettik qoldaý sharalarynsyz kásiporyndar shyǵynǵa ushyraý aldynda.

– «Jas-Qanat 2006» óndiriste Kaıdzen júıesin qoldanady. Munyń artyqshylyǵy nede?

– Japon fılosofııasynyń Kaıdzen prıntsıpterin engizýdiń arqasynda kásiporyn óndiris shyǵyndaryn qysqartýǵa qol jetkizdi. Óndiristik úderisterdi jańǵyrtý men tsıfrlaý kezeńderi Kaıdzenniń bir bóligi sanalady. Qarapaıym tilmen aıtqanda, bul qus fabrıkasynyń búgingi kórsetkishteriniń basty sebebi. Óndiristi avtomattandyrý kóbine jumysshylardyń qysqarýyna alyp keledi. Bizdiń qus fabrıkasy bıznesti damytýdyń qazaqstandyq modeliniń basymdyqtaryn ustanady. Ol degenińiz biz jumys oryndaryn saqtap qana qoımaı, jańa jumys oryndaryn quramyz. Kaıdzenniń artyqshylyǵy osy.

– Memleket tarapynan naqty qandaı qoldaý kórsetiledi?

– Memleket tarapynan qoldaý sharalary kredıtter men tehnologııalyq jabdyqtardyń lızıngi, mal satyp alý, sondaı-aq aýyl sharýashylyǵy tehnıkasynyń lızıngi boıynsha syıaqy mólsherlemelerin sýbsıdııalaý arqyly júzege asty. Investıtsııalyq salymdar kezinde ketken shyǵyndardyń bir bóligin óteý boıynsha sýbsıdııalaý da júrdi. Memlekettik qoldaýdyń negizgi sharasy – asyl tuqymdy mal sharýashylyǵyn damytýdy, mal sharýashylyǵynyń ónimdiligi men sapasyn arttyrýdy sýbsıdııalaý. Erejesine sáıkes taǵamdyq jumyrtqa óndirýge sýbsıdııalar boldy.

- Áńgimeńizge rahmet!



Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT