+7 (701) 759 90 19
USD 385.76 EUR 427.89
RUB 6.04 CNY 54.79
Jańalyqtar

Qostanaılyq kásipkerler shalǵaı aýylǵa feldsherlik pýnkt salyp berdi

2019 jylǵy 15 qarasha 20:54
Bólisińiz:
Qostanaılyq kásipkerler shalǵaı aýylǵa  feldsherlik pýnkt salyp berdi

QOSTANAI. QazAqparat – Búgin Qostanaı oblysynyń ákimi Arhımed Muhambetov Fedorov aýdanyna jumys saparymen baryp, jańa áleýmettik nysannyń ashylýyna qatysty, dep habarlaıdy QazAqparat.

Oblys ákimi aldymen aýdandaǵy óndiristik, áleýmettik nysandardy aralady. «Prombaza 7» JShS ósimdik maıyn óndiretin zaýyt 2019 jyldyń 10 aıynyń qorytyndysy boıynsha 650 tonna zyǵyr, 380 tonna kúnbaǵys maıy óndirgen. Arhımed Muhambetov seriktestik basshylyǵyna óndiristi bıylǵy kórsetkishten túsirmeýdi tapsyrdy.



Jalpy, Fedorov aýdanynda Elbasynyń tapsyrmasymen qabyldanǵan «Aýyl-el besigi» arnaıy jobasy aıasynda osy jyly eki áleýmettik nysanǵa jóndeý jumystary júrgizildi. Ataýly nysandardy oblys ákimi qarap ótti. Sonyń biri – «Qarlyǵash» bóbekjaı-baqshasy. Mektepke deıingi mekeme bıyl 32,8 mln teńge somasyna jóndeldi. Búginde balabaqshaǵa 120 bala barady. Ekinshi nysan – aýdandyq balalar kitaphanasynyń óalypqa kelýine 23,5 mln. teńge jumsalǵan. Arhımed Muhambetovtiń jumys sapary aýdandaǵy feldsherlik-akýsherlik pýnkttiń ashylý saltanatymen jalǵasty. Aıta ketý kerek, FAP (feldsherlik-akýsherlik pýnkt) salý jobasy memlekettik-jeke menshik seriktestik aıasynda júzege asyrylǵan. «Ǵımarat qurylysyna 63 mıllıon teńge jumsaǵan «Turar» JShS dırektory Qaırat Ospanovqa aıryqsha alǵysymyzdy bildiremiz. Basqa da sharýashylyq basshylary taǵy 17 mıllıon teńgege demeýshilik kórsetip otyr. Eń bastysy aýyldyq okrýgke qarasty eldi mekenderdiń 4 myń turǵynǵa sapaly medıtsınalyq kómek kórsetpek. Jalpy, bıylǵy jyly Fedorov aýdanynda atqarylǵan jumys az emes. 1,3 mıllıard teńgege 40 shaqyrym jol salynǵan. Peshkov aýylyna aýyz sý tartý aıaqtalyp qaldy. Kelesi jyly Kopychenka, Bannov, Chehov, taǵy birqatar aýyldarǵa sý qubyryn júrgizý bastalady. Alty aýylǵa sý tazalaý-taratý qondyrǵylary ornatatyldy. Densaýlyq saqtaý mekemelerin jaqsartýǵa, sonyń ishinde feldsherlik-akýsherlik pýnkterdi qural-jabdyqtarmen jańartýǵa 120 mıllıon teńge jumsaldy. 140 mıllıon teńgege ortalyq aýdandyq aýrýhana aǵymdaǵy jóndeýden ótti. Qolǵa alar sharýa áli de barshylyq. Endigi jyly barlyq saladaǵy jumys kúshin arttyryp, qarjylandyrý jaǵyn kóbeıtýdi jolǵa qoıamyz. Osy naýqandarǵa kásipkerler de óz úlesterin qosady dep senemin», - dedi óńir basshysy Arhımed Muhambetov.

FAP-ta dárihana, kúndizgi statsıonar, zerthana, elektrokardıogramma kabıneti, sondaı-aq jedel medıtsınalyq kómek pýnkti bar. Jalpy aýmaǵy 312 sharshy metrdi quraıtyn jańa nysannyń kireberisinde tirkeý orny, dárihana ornalasqan. Ári qaraı dárigerge deıingi, emshara kabınetteri, kúndizgi statsıonar, zerthana, eresekter men balalardy qabyldaý, akýsher, bólip-taratý, sanıtarlyq, sterıldeý, egý jáne jumysshylar bólmeleri jumys istemek. Ǵımaratpen japsarlas jedel járdem kóligin qoıatyn turaq ta salynǵan. Oblys ákimi atalǵan feldsherlik-akýsherlik pýnktke eki kompıýter syıǵa tartty. Sapar qorytyndysy boıynsha Arhımed Muhambetov aýdan basshylyǵyna turǵyndardyń ómir súrý sapasyn odan ári arttyrý boıynsha birqatar naqty tapsyrma berdi.






Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT