Qostanaılyq kásipker aýdandyq aýrýhanaǵa tynys alý qurylǵysyn  alyp berdi

QOSTANAI. QazAqparat — Qostanaı oblysynda «Biz birgemiz» aktsııasy aıasynda kásipkerler medıtsına salasyna kómektesýde, dep habarlaıdy QazAqparat oblystyq ishki saıasat basqarmasyna silteme jasap.

Respýblıkalyq «Biz birgemiz» aktsııasy Qostanaı óńirinde jalǵasýda.

Bul joly Uzynkól aýdanynda jergilikti kásipkerAhmet Sadyqov aýdandyq aýrýhananyń provızorlyq bólimshesine quny 15 mln teńge turatyn tynys alý qurylǵysyn alyp berdi.

Medıtsınalyq qurylǵyny emdeý mekemesine tapsyrý rásimine aýdan ákimi Talǵatbek Daıyrov ta qatysty. Ákim aýdan turǵyndary atynan metsenatqa alǵys aıtty .

Ákim koronavırýs pen pnevmonııaǵa qarsy kúreske úles qosyp júrgen jergilikti kásipkerlerdiń eńbegin joǵary baǵalady.

«Kásipker satyp alyp bergen qurylǵynyń qýattandyrǵysh batareıasy bar, sondyqtan jedel járdem kóliginde de paıdalanýǵa bolady. Ári ókpege aýa jiberýdiń túrli rejiminde jumys isteı beredi. Apparattyń basqarý tetigi orys tilinde, zamanaýı talapqa saı», - dep sıpattama berdi quny qomaqty qurylǵyǵa aýdandyq dárihananyń bas dárigeri Ámirjan Baqytjanov.

Sondaı-aq, Ahmet Sadyqovtyń ıgi bastamasyn ilip áketken eki sharýa qojalyǵynyń basshysy birigip, aýdandyq aýrýhanaǵa jalpy quny 3 mln teńge turatyn gematologııalyq taldaý qurylǵysyn alyp berdi.