+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

Qostanaılyq aǵaıyndy jigitter Elbrýs shyńyn baǵyndyrdy

2021 jylǵy 23 shilde 21:05
Bólisińiz:
Qostanaılyq aǵaıyndy jigitter Elbrýs shyńyn baǵyndyrdy

QOSTANAI. QazAqparat – Qostanaılyq aǵaıyndy Artem men Aleksandr Kýlık álemniń eń bıik taý shyńdarynyń biri - Elbrýsty baǵyndyrdy. QazAqparat tilshisine Artem Klık óziniń alǵan áserimen bólisti.

Artemniń aıtýynsha, aǵaıyndylarǵa Elbrýsqa kóterilý ıdeıasy byltyr kelgen eken. Alaıda álemde bolyp jatqan pandemııaǵa baılanysty aǵaıyndylardyń jospary keıinge qalǵan.

«Karantınge baılanysty ótken jyly josparlarymyzdy júzege asyra almadyq. Esesine bul bıyl boldy. 11 shilde men 18 shilde aralyǵynda oıǵa alǵan josparymyzdy oryndadyq», - deıdi Artem Kýlık.

Elbrýsty baǵyndyrý kezinde aǵaıyndy Kýlıkterden basqareseılik jigitteri men jolnusqaýshylary bolǵan.

«Biz ózimizben birge salmaǵy 45 keli bolatyn rıýkzaktardy alyp júrdik, onda ózimizge qajet bolatyn tamaq, barlyq zattar, aıaq kıim, shatyrlar boldy. Biz kún saıyn shatyrlarda túneıtinbiz. Spartalyq jaǵdaılar boldy, jolda qar, jańbyr, burshaq jáne daýyl boldy. Joǵarǵy jaǵynda aýa temperatýrasy -25 gradýs aıazǵa deıin jetti. Biraq barlyq kedergilerge qaramastan biz senimdi túrde nyq júrdik, óıtkeni bizdiń komandamyz óte tatý boldy», - deıdi A. Kýlık

Artem aıtqandaı, komanda shyńǵa shyǵystan shyǵý týraly sheshim qabyldaǵan.

Artem Kýlıktiń aıtýynsha, taǵy bir teńdesi joq áser syılaǵan sát – aǵaıyndylardyń shyńdy baǵyndyrǵan kezde Qazaqstannyń týyn kótergen kezi. Bul umytylmas erekshe áserler men estelikter syılaǵan.


Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT