+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Qostanaıdyń bas polıtseıi turǵyndardyń máselesin sheshti

2019 jylǵy 21 qarasha 21:53
Bólisińiz:
Qostanaıdyń bas polıtseıi turǵyndardyń máselesin sheshti

QOSTANAI. QazAqparat – Azamattardy qabyldaýdyń biryńǵaı kúninde Qostanaıdyń polıtsııa basshylary 100-den astam azamatty qabyldady, dep habarlaıdy QazAqparat.

Uqsas jańalyqtar
Biryńǵaı qabyldaý kúni: 12 myńnan astam turǵynnyń aryz-shaǵymy tyńdaldy Energetıka mınıstrligine kelgen azamat Almaty oblysynda gıdroelektr stansasy kaskadyn salýdy usyndy Aqmola oblysynyń ákimi Ermek Marjyqpaev 63 turǵyndy qabyldady

Polıtsııa departamentiniń bastyǵy Beket Aımaǵambetov 10 adamdy qabyldady. Generalǵa Qostanaı qalasynyń turǵyny Qorǵanbek Abdýlla júgindi. Aıtýynsha, ony týǵan qyzy aldap ketken. 2014 jyly onyń balalary kásipkerlikti qoldaý baǵdarlamasy boıynsha nesıe rásimdep, iri qara mal satyp alady. Bank kepilge Qorǵanbek aqsaqaldyń úıin tirkeıdi. Qujat boıynsha Qorǵanbek Abdýlla – sharýa qojalyǵynyń basshysy. Biraq keıin bıznes shyǵynǵa ushyrap, balalary barlyq maldy satyp jibergen. Osy is boıynsha polıtsııa departamentiniń bastyǵy B.Aımaǵambetov aldymen múlik shyǵynyn esepteýdi usyndy. Ol úshin azamattyq-quqyqtyq qatynastar arqyly sotqa júginý qajet.

Qostanaı qalasynyń turǵyny Natalıa Nııazbaeva general Aımaǵambetovke óz máselesin aıtty. Ol úsh jyl buryn avtokólik satyp alǵan, keıin sol kólikti qaıta satpaq bolǵan kezde urlanǵanyn anyqtaǵan.Tipti, onyń ıdentıfıkatsııalyq nómiri ózgertilgeni belgili boldy. Osy fakti boıynsha polıtsııa sotqa deıingi tergeýdi bastady. Avtokólik tárkilenip, aıǵaq zat retinde turaqqa qoıyldy.

«Men ony adal satyp aldym. Polıtsııaǵa kimnen satyp alǵanymdy aıttym. Menińshe, bul is tolyq zerttelmedi, sebebi olar maǵan avtokólikti satqan adamnan jaýap almaǵan. Satýshy Qaraǵandy qalasynda turady», - deıdi Natalıa Nııazbaeva. Beket Aımaǵambetov tártip saqshylaryn jaqyn arada Qaraǵandy qalasyna saparmen jiberýge ýáde etti. Tıisinshe, kólik satýshydan jaýap alynady.

Polıtsııa bastyǵynyń qabyldaýyna Jangeldın aýdanynyń turǵyny Jarasbaı Muhatov keldi. Aıtýynsha, onyń jylqysy urlanǵan. Bul málimet boıynsha ol polıtsııaǵa aryz jazady. Sodan keıin jylqylarynyń aýyldasynyń aýlasynda turǵanyn bilgen. Polıtsııa qozǵalǵan is aıasynda saraptama júrgizdi. Nátıjesinde jylqy Muhatovtiki emes bolyp shyqty. Alaıda, jábirlenýshi saraptama durys nátıje bermedi dep sanaıdy. Sózinshe, jylqylardy almastyryp qoıǵan. Qazirgi ýaqytta Jarasbaı Muhatovtyń dálelderi tekseriledi.

Departament bastyǵy óńirde mal urlyǵynyń ashylýy 40% asatynyn atap ótti. Azamattardy biryńǵaı qabyldaý kúni oblys aýdandarynda 70-ten astam aýyl turǵyny qabyldandy.



Bizdiń kanalymyzǵa jazylyńyz:

Basty sózder: Qostanaı oblysy, QR ІІM,
Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT