+7 (701) 759 90 19
USD 420.29 EUR 506.87
RUB 5.66 CNY 64.73
Jańalyqtar

Qostanaıdyń bas polıtseıi turǵyndardy jeke qabyldady

2020 jylǵy 26 qarasha 21:52
Bólisińiz:
Qostanaıdyń bas polıtseıi turǵyndardy jeke qabyldady

QOSTANAI. QazAqparat – Azamattardy qabyldaýdyń biryńǵaı kúni Qostanaı oblysy polıtsııa departamenti aýmaqtyq bólimsheleriniń basshylyǵyna túrli máseleler boıynsha 100-den astam azamat júgindi, dep habarlaıdy QazAqparat.

«Zoom» platformasynda onlaın formatta ótken kezdesýde 100-den astam másele qozǵaldy. Olardyń deni qylmystyq isterdi tergeý jáne qoǵamdyq qaýipsizdikke qatysty boldy.

«Memleket basshysynyń bastamasymen jasalǵan «Halyq únine qulaq asatyn memleket» tujyrymdamasyn iske asyrý aıasynda halyqpen keri baılanysty qamtamasyz etýdiń mańyzy zor. Quqyqtyq tártip isi azamattardyń qoǵamdaǵy máselelerge qatysýyna tikeleı baılanysty jáne polıtsııa jumysynyń formatyn ózgertedi. Sonyń biri mysaly osyndaı qoǵamdyq qabyldaý kúni sanalady», - dep atap ótti Qostanaı oblysy PD bastyǵy Beket Aımaǵambetov.

Qostanaı oblysynyń bas polıtseıi 20 azamatty onlaın qabyldady. Olar jol-kólik oqıǵalaryn, alaıaqtyqty jáne basqa da qylmystyq isterdi tergeýge qatysty saýaldaryn joldap, tuymdy jaýap aldy.

Onlaın jeli arqyly Qarabalyq aýdandyq polıtsııa bóliminiń bastyǵy Nurjan Ahmetovke jergilikti turǵyn Sergeı Dıadık júgindi. Ol osy jyldyń shilde aıynda onyń úıinen uıaly telefon urlanǵanyn aıtty. Qarasha aıynda polıtsııa urlanǵan zatty taýyp bergen.

«Men polıtsııaǵa urlyq týraly aryz jazdym. Polıtseıler meniń telefonymdy Qostanaı qalasynyń turǵyndarynan urlanǵan zattardyń bazasyna engizilgen kod arqyly tapqandaryn aıtty», - dedi S.Dıadık.

Ǵanıjamal Otarbaeva Denısov aýdanynyń polıtsııasyna júgindi. Polıtseıler aǵymdaǵy jyldyń qazan aıynda tabynnan joǵalyp ketken atty aýyl turǵynyna taýyp berdi. Ýchaskelik ınspektorlar Baǵdat Keneshov pen jedel ýákil Medet Ybyraev kórshiles Krasnoarmeıka kentinde júrgizilgen izdestirý is-sharalarynyń nátıjesinde jylqyny taýyp, ıesine qaıtardy. Turǵyn tártip saqshylaryna alǵys aıtty.

Advokat Sámet Salamatov eki adam zardap shekken jol-kólik oqıǵasyn tergeýshilerge shaǵymdanyp keldi. Ol tergeý áreketteri tolyq kólemde júrgizilgen joq dep sanaıdy. Bul máseleni Beket Aımaǵambetov baqylaýda ustaýǵa ýáde etti.

«Kezdesýde kóterilgen barlyq máseleni erekshe nazarǵa alamyn. Qazirgi ýaqytta barlyq qylmystyq isterdiń jartysynan astamy elektrondyq formatta tergelýde, bul protsestiń ashyqtyǵyn qamtamasyz etedi. Sondyqtan «barmaq basty, kóz qystylyqqa» jol berilmeıdi», - dedi Beket Aımaǵambetov.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT