Jańalyqtar  >
Qostanaıda úsh kúnnen beri izdestirilip jatqan bes jasar qyzdyń denesi sýdan tabyldy
2022 jylǵy 10 tamyz 18:27

Qostanaıda úsh kúnnen beri izdestirilip jatqan bes jasar qyzdyń denesi sýdan tabyldy

QOSTANAI. QazAqparat – Qostanaı oblysy polıtsııa departamentiniń baspasóz qyzmeti qyzdyń máıiti tabylǵanyn habarlady, dep jazady QazAqparat tilshisi.

«Qyz bala tabyldy, ol sýǵa batyp ketken», - dep habarlady vedomstvodan.

Tolyq túsinikteme jaqynda beriledi dep sendirdi polıtseıler.

Eske sala ketsek, buǵan deıin Qostanaı oblysynda 7 tamyzda úıinen shyǵyp ketken 5 jasar qyz izdestirilip jatqany habarlanǵan.

Іzdeý jumystaryna 500-den astam polıtseı, tikushaqtar, sondaı-aq Ulttyq ulan men shekaradaǵy áskerı qyzmetkerler jumyldyryldy.

Myńdaǵan adam qyzdy Jambyl aýylyna irgeles egistik alqaptardan izdedi.

Keshe bes jasar Mádına Erlanqyzyn izdeý sharalary aıasynda egistik alqaptyń ár jerine sý men tamaq baılanǵan sharlar qaldyrý jóninde sheshim qabyldandy.

Keshki ýaqytta egistik alqaptyń ústinen deltaplandar ushyryldy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT