+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Qostanaıda úsh qabatty keshenniń tóbesindegi ashyq basseın qysta da isteıdi

2020 jylǵy 14 qyrkúıek 21:28
Bólisińiz:
Qostanaıda úsh qabatty keshenniń tóbesindegi ashyq basseın qysta da isteıdi

QOSTANAI. QazAqparat – Qostanaıda qysy-jazy ashyq aspan astynda jumys isteıtin «Therma Park» saýyqtyrý kesheni ashyldy, dep habarlaıdy QazAqparat tilshisi.

Aýmaǵy 68 myń sharshy metrdi quraıtyn jańa keshen «Kostanay Plaza» saýda, oıyn-saýyq ortalyǵynyń janynan qurylǵan. Úsh qabatty ǵımaratta túrli 4 basseın jáne 24 saýna bar.

«Mundaı keshen elimizde tek Almaty men Nur-Sultan qalalarynda ǵana bar. Osyndaı oryndardyń ashylýy týrısterdiń qyzyǵýshylyǵyn arttyrýǵa septigin tıgizedi dep senemiz. «Kostanay Plaza» saýda, oıyn-saýyq ortalyǵynyń alǵashqy bóligin 2017 jyly paıdalanýǵa bergen bolatynbyz. Al «Therma Park» qurylystyń ekinshi bóligi. Eki keshende 250 azamat kásibin ashyp, 1 150 jumys oryny quryldy», - dedi keshenniń ashylý saltanatyna qatysqan Qostanaı oblysynyń ákimi Arhımed Muhambetov.


«Therma Park» saýyqtyrý orynynda qysy-jazy ashyq aspan astynda jumys isteıtin jyly saýyqtyrý basseınderi bar. Keshenniń tóbesinde ornalasqan basseınderdegi ystyq sýdyń temperatýrasy 30°C gradýs deńgeıinde. Jan-jaǵy qorshalǵan. Qatty aıazda tóbesi plenkamen jabylady. Teńiz sýy bar basseındegi arnaıy qondyrǵy tuzdy elektrolız ádisi arqyly bólip shyǵarýǵa múmkindik beredi. Bul sýda jaǵymsyz ıistiń bolmaýyn qamtamasyz etedi.


«Keshen bir ýaqytta 1 600 adamdy qabyldaýǵa qaýqarly. Sondaı-aq, saýda ortalyǵynyń ekinshi ǵımaratynda 183 kólikke arnalǵan avtomattandyrylǵan parkıng jáne 600 kólikke arnalǵan ashyq turaq bar. ıAǵnı, eki nysannyń kóshedegi turaǵyna bir mezette myń kólik syıyp ketedi», - dep atap ótti keshenniń qurylys jumystaryn júrgizgen merdiger kompanııa dırektory Igor Kım.


Aıta keteıik, mundaı «Therma Park» Reseıdiń Ijevsk qalasynda bar. Qostanaılyq mamandar atalǵan saýyqtyrý ortalyǵynyń jobasyn Reseıdegi keshendi negizge ala otyryp jasaǵan.


Avtor: Álıhan Asqaruly


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT