+7 (701) 759 90 19 Lenta
USD 386.77 EUR 427.26
RUB 6.00 CNY 54.56
Jańalyqtar

Qostanaıda ulttyq teatrlardyń V respýblıkalyq festıvali ótti

2019 jylǵy 23 tamyz 13:52
Bólisińiz:
Qostanaıda ulttyq teatrlardyń V respýblıkalyq festıvali ótti

QOSTANAI. QazAqparat - Qostanaıda Qazaqstannyń ulttyq teatrlarynyń V respýblıkalyq festıvali ótti, dep habarlaıdy QazAqparat Qazaqstan halqy Assambleıasynyń baspasóz qyzmetine silteme jasap.

Uqsas jańalyqtar
Qazaqstan halqy Assambleıasy respýblıkalyq biryńǵaı medıatsııa kúnin ótkizedi

Úsh kúnge jalǵasqan is-shara QR Mádenıet jáne sport mınıstrliginiń uıymdastyrýymen, Qazaqstan halqy Assambleıasy, Qostanaı oblysy ákimdiginiń qoldaýymen uıymdastyryldy. Túrli etnos ókilderiniń qazaq jerine deportatsııalanýynyń 75 jyl tolýyna jáne Jastar jylyna oraılastyrylǵan.

Mádenı festıval alty tilde jumys isteıtin teatrlar arasynda tyǵyz baılanys ornatý, repertýar saraptaý, óner ujymdarynyń shyǵarmashylyq izdenisterin baǵalaý, túrli ulttyń mádenıetin kópshilikke tanystyrý maqsatynda júzege asty.

Respýblıkalyq memlekettik akademııalyq koreı mýzykalyq komedııa teatry, Qostanaı oblystyq orys drama teatry, Shymkent qalalyq ózbek drama teatry, І.Omarov atyndaǵy Qostanaı oblystyq qazaq drama teatry, Q.Qojamııarov atyndaǵy Respýblıkalyq memlekettik akademııalyq uıǵyr mýzykalyq komedııa teatrlary óz ana tilderinde qoıylymdar usynyp, akterler men rejısserler tájirıbe almasty.

Qazylar alqasynyń tóraǵasy – teatr synshysy, Ǵ. Músirepov atyndaǵy Qazaq memlekettik akademııalyq balalar men jasóspirimder teatrynyń dırektory, ónertaný ǵylymdarynyń kandıdaty Erkin Jýasbek bolsa, qazylar alqasynyń músheliginde Qazaqstan Respýblıkasy Parlamenti Májilisiniń depýtaty, Qazaqstan halqy Assambleıasynyń múshesi Natalıa Jumadildaeva, kıno jáne teatr akteri, Qazaqstannyń eńbek sińirgen ártisi, M.ıÝ. Lermontov atyndaǵy Memlekettik akademııalyq orys drama teatrynyń akteri Mıhaıl Tokarev, teatrtanýshy, ónertaný kandıdaty, T.Júrgenov atyndaǵy qazaq ulttyq óner akademııasynyń dotsenti, Halyqaralyq teatr synshylary assotsıatsııasynyń múshesi (IATC) Anar Erkebaı, teatr akteri ári rejısseri, Qazaqstannyń eńbek sińirgen qaıratkeri, «Nomad City Hall» MKQK-nyń bas rejısseri Saılaý Qamıev kirdi.

Festıvaldiń jabylý rásiminde Qazaqstan Respýblıkasy Prezıdenti Ákimshiliginiń Qazaqstan halqy Assambleıasy Hatshylyǵy meńgerýshisiniń orynbasary Nurbolat Narjanov qatysyp, teatr ujymdaryn Qazaqstan ulttyq teatrlarynyń V respýblıkalyq festıvaliniń tabysty ótýimen quttyqtady.

« Bul ıgi shara – Uly Dala elin meken etken etnostardyń óneri men mádenıetiniń órkendep damýynyń aıqyn kórinisi. Etnosaralyq birlik pen tatýlyqty nyǵaıta otyryp, teatr óneriniń jandanýyna oń yqpalyn tıgizeri sózsiz. Sondaı-aq teatrlar aldynda turǵan maqsattar týraly pikir almasylyp, ulttyq teatrlardyń repertýaryn baıytýǵa, ulttyq mádenıettiń órkendeýine múmkindik jasaldy dep oılaımyz. Qazaqstan halqy Assambleıasynyń tóraǵasy, Elbasy Nursultan Nazarbaev kez kelgen etnostan shyqqan otandasymyzdyń álemdik ónerge, ádebıet pen sportqa qosqan úlesin maqtan tutatynyn atap ótken bolatyn. Qazaqstan Prezıdenti Qasym-Jomart Toqaev qazaqstandyq mádenıettiń eldegi búkil etnostardyń mádenı qundylyqtary arqasynda qalyptasatynyna tereń mán berip otyr. Osy oraıda mádenıet salasyndaǵy memlekettik saıasatty júzege asyrýda óner oshaqtary – teatrlardyń mańyzy zor. Óıtkeni olar óz kórermenderine mádenı tárbıe berýmen qatar, óz ultynyń turmys-saltyn, tarıhy men mádenıetin tanytatyn aǵartýshylyq mıssııany júzege asyrady. Sondyqtan, festıval qatysýshylaryna, uıymdastyrýshylarǵa, oblys ákimi Arhımed Muhambetovke rızashylyǵymyzdy bildiremiz! – dep atap ótti Qazaqstan Respýblıkasy Prezıdenti Ákimshiliginiń Qazaqstan halqy Assambleıasy Hatshylyǵy meńgerýshisiniń orynbasary Nurbolat Narjanov.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Mýhamedııarova Janara
Mýhamedııarova Janara
954-059
REDAKTOR
Janıbek Amangeldı
Janıbek Amangeldı
954-059

MURAǴAT