+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

Qostanaıda tuńǵysh ret tolyqmetrajdy fılm túsirildi

2019 jylǵy 19 tamyz 00:11
Bólisińiz:
Qostanaıda tuńǵysh ret tolyqmetrajdy fılm túsirildi

QOSTANAI. QazAqparat – Qostanaı oblysynda «Kim kináli?» dep atalatyn tolyqmetrajdy fılmniń premerasy ótti, dep habarlaıdy QazAqparat.

Uqsas jańalyqtar
Reseıde Qazaqstan fılmderi kórsetiledi «Barymtashylar. Ýaqyt joldary» fılmi Býsan kınofestıvaliniń ashylýynda kórsetiledi «Qazaqfılmniń» qysqametrajdy týyndylary «Baıqońyr» kınofestıvaline qatysady

«Kim kináli?» – taǵdyr taýqymetin tartqan adamdardyń turmysyn kórsetken týyndy. Premera búgin «Arman 3D» kınoteatrynda ótti.

«Qostanaıda alǵash ret tolyqmetrajdy fılm usynyldy. Aıta keterligi, bul kórkem týyndynyń túsirilimine qarajat jumsalǵan joq. Eń mańyzdysy, qostanaılyqtardyń kınoındýstrııaǵa shamaly da bolsa úles qosa alatynyn, shyǵarmashylyq áleýetin kórsetkimiz keldi. Bastamasy bar. Sátin salsa, oblystyq telearnalardan, Youtube jelisinen kórermenderge jol tartady. Biz bul fılm arqyly qarııalardyń qıyn jaǵdaıymen bóliskimiz keldi. Odan qaldy, búginde áke men uldyń, ene men kelinniń araqatynasy mańyzdy bolyp tur. Mine, fılm ıdeıasy osydan shyqty. Túsirilim tobynyń birinshi jobasy kórermenderdiń kóńilinen shyqqanyna qýanamyz», - deıdi fılm rejısseri Esbol Jatqanov.


Rejısserdiń sózinshe, túsirý toby aldymen Rýdnyıdaǵy qarttar úıine baryp, sondaǵy jaǵdaımen tanysqan. Stsenarıı avtory Álimhan Myrzahan zertteý júrgizip, málimet jınaqtady. Aıta keteıik, bul fılmge túsý úshin júzdegen ártisterdiń arasynan irikteý ótkizildi.Olar arnaıy synaqtardan ótip, komıssııanyń sheshimimen tańdaldy. Fılmde QR eńbek sińirgen qaıratkeri, belgili akter Qonysbek Begaıdarov rólderdiń birin somdaıdy. Jalpy, ártisterdiń kóbi qarapaıym turǵyndardan irikteldi.


Esbol Jatqanov kınonyń tanystyrylymyna kelgen meımandarmen suhbattasyp, aldaǵy josparlarymen bólisti. Sózinshe, túsirilim toby Qostanaı qalasynyń 141 jyldyǵyna arnap taǵy bir kórkem týyndyny qolǵa almaq.


Fılm premerasynan soń oblystyq mádenıet basqarmasynyń basshysy Erlan Qalmaqov sóz aldy. Ol týyndy avtorlaryna alǵys bildirip, rejısser Esbol Jatqanov pen aktrısa Uljamal Seıdalınaǵa oblys ákiminiń qurmet gramotasyn tapsyrdy. Al mádenıet basqarmasy jáne qala ákiminiń alǵys hatymen ártister Nurlan Baıshın, Álimhan Myrzahan jáne Názıra Bekbolatqyzy, operator-montajshylar Abzal Samıdosov, Aman Telmanov, Sándibek Esmyrzaevtar marapattaldy.



Bizdiń kanalymyzǵa jazylyńyz:

Basty sózder: Qostanaı oblysy, Mádenıet,
Bólisińiz:

Aýdarma:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT