+7 (701) 759 90 19
USD 389.52 EUR 429.21
RUB 6.07 CNY 54.94
Jańalyqtar

Qostanaıda tanymal bıznesmen Vasılıı Rozınovtyń soty bastaldy

2019 jylǵy 17 qyrkúıek 17:33
Bólisińiz:
Qostanaıda tanymal bıznesmen Vasılıı Rozınovtyń soty bastaldy

QOSTANAI.QazAqparat – Búgin Qostanaı qalasynyń №2 sotynda «Ivolga Holdıng» aýylsharýashylyq kásipornyn basqarǵan qostanaılyq kásipker V.Rozınovke qatysty basty sot otyrysy ótti, dep habarlaıdy QazAqparat.

Eske salaıyq, «Ivolga Holdıng» JShS burynǵy basshysy Vasılıı Rozınovke asa iri kólemde alaıaqtyq jasady degen aıyp taǵylǵan bolatyn. Búgingi sot otyrysy ashyq túrde ótti.

Aıyptaý úkimin Bas prokýrordyń kómekshisi Nurlan Toıshybekov oqydy. Onyń sózine súıensek, V.Rozınov óziniń qyzmettik jaǵdaıyn, kásipkerlik bedelin paıdalanyp, qarjy ınstıtýttarynyń senimine qııanat jasaı otyryp, óz múddelerin kózdeıtin qasaqana qylmystyq quqyq buzýshylyq jasaǵan.

«Onyń Qazaqstan men Reseıde aýylsharýashylyq kásiporyndary bar, egis alańdary 1,5 mıllıon gektardan asady. Ol «Ivolga» kompanııalar tobyn basqara otyryp, Qazaqstannyń astyq odaǵynyń múshesi, «QazAgro» UBH «AQ dırektorlar keńesiniń múshesi bola tura, únemi respýblıkalyq jıyndarǵa qatysa júrip, qarjy ınstıtýttarynyń, atap aıtqanda, EDB nesıeleý baǵdarlamalary týraly aqparat jınaǵan. 2011 jyly Rozınov ózinde bar aqparatty salystyra otyryp,kásipkerlik qyzmeti banktiń strategııalyq maqsattaryna resmı túrde jatatynyn túsinip, jalǵan astyq qolhattaryn usyný arqyly bank qarajatyn urlaýdy josparlap, kóp satyly qylmystyq jospar qurdy. Bul jospar, birinshiden, senimdi qaryz alýshynyń ımıdjin jasaýdy, ekinshiden, jalǵan astyq qolhattaryn shyǵarýdy jáne ony bankke kepil retinde usynýdy qamtydy. Úshinshiden, bireýdiń, ıaǵnı banktiń múlkin urlaý. Tórtinshiden, aktıvterdi týystary men senim bildirilgen adamdaryna qaıta tirkeý. Besinshiden, bank aldyndaǵy qaryzdardy tólemegen», - dep oqydy N.Toıshybekov.

Bas prokýrordyń kómekshisiniń aıtýynsha, ol qylmystardy ózdiginen jasaı almaıtyn bolǵandyqtan, senim bildirgen adamdaryn qylmys jasaýǵa ıtermelegen. Sonymen birge ol óziniń bedelin paıdalanyp, jymysqy áreketterin jasyryp kelgen.

«Rozınov basqa bireýdiń múlkin urlaý týraly qylmystyq josparyn júzege asyrý úshin 2011 jyldyń sáýirinde óziniń qyzmettik jaǵdaıyn paıdalanyp, júıeli jáne úzdiksiz negizde astyq qolhattaryn burmalaýdy birneshe ret uıymdastyrǵan»,- dep habarlady Bas prokýrordyń kómekshisi.

Basty sot protsesi jalǵasýda.

Aıta keteıik, qylmystyq is Qostanaı qalasynyń sotyna kelip túsken. Sot Vasılıı Rozınovke qatysty Qazaqstan Respýblıkasy Qylmystyq kodeksiniń 177-baby 4-bóliginiń «b» tarmaǵy (1997 jylǵy Qylmystyq kodekske engizilgen) boıynsha qylmystyq is qozǵady. Atap aıtqanda, ol iri kólemde alaıaqtyq jasady degen kúdikke ilinip otyr.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT