+7 (701) 759 90 19
USD 448.52 EUR 490.32
RUB 5.69 CNY 63.23
Jańalyqtar

Qostanaıda ótken jyly 26 myńǵa jýyq kólik qurastyryldy

2020 jylǵy 25 aqpan 19:40
Bólisińiz:
Qostanaıda ótken jyly 26 myńǵa jýyq kólik qurastyryldy

QOSTANAI. QazAqparat – Bıyl Qostanaı oblysynda 50 myń avtokólik naryqqa shyǵarylmaq. Mamandar muny otandyq ónimge degen suranystyń artqany dep otyr. «QazAqparat» tilshisi jergilikti avtozaýytqa baryp, kólik shyǵarý isimen etene tanysyp qaıqan bolatyn.

Uqsas jańalyqtar
Elorda ákimi qoǵamdyq kólikterdiń nelikten jappaı toqtatylǵanyn túsindirdi Oralda avtokólik blokbeketke soǵyldy Karantın rejimi: Elordada 30 avtokólik arnaıy aıyppul turaǵyna qoıyldy

Qazaqstannyń avtomobıl ónerkásibiniń tarıhy jol talǵamaıtyn «Nıva» jeńil kólik qurastyrýdan bastaý alǵan. Munan keıin elimizde «SaryarqaAvtoProm», «SemAZ», «KAMAZ-Injınırıng», «Hyundai Trans Auto», «Daewoo Bus Kazakhstan» sekildi avtokólik qurastyrý kásiporyndary sapqa qosyldy. Osy kásiporyndardyń jumysynyń nátıjesinde elimizde avtoónerkásip salasy paıda boldy. Jyldan jylǵa jetilip, qarqyndy damyp kele jatqan Qostanaı oblysy kólik shyǵarýdyń zamanaýı tetikterine kóshken. Jańa ındýstrııalandyrýdyń birinshi bes jyldyǵynyń qorytyndysynda avtomobıl óndirisi óńdeý ónerkásibindegi eń qarqyndy damýshy sala retinde tanytty. «SaryarqaAvtoProm» zaýyty álemdik brend sanalatyn kólikterdiń 10 shaqty túrin qurastyrady.

Qaınaǵan qyzý tirliktiń ortasynda dánekerleý men syrlaý tsehiniń toby júredi. Zaýyt dırektory Syrym Semeıbaevtyń sózinshe, zaýyt alǵash ashylǵanda tek daıyn bólshekter qurastyrylatyn. Qazir ónimniń otandyq úlesi artqan.

«Óndiris aýqymy da eselep ósip keledi. Byltyr 25 myń kólik qurastyrsa, bıyl jeliden shyǵatyn kólik sanyn 50 myńǵa deıin jetkizý josparlanyp otyr. Óndiristiń artýy tikeleı suranysqa baılanysty», - dedi Syrym Semeıbaev.

Dáýlet Nysanbaev – dánekerleý tsehynyń brıgadıri. Qol astynda 10 jumysker bar.

«Biz ónimniń negizgi jumysyna jaýaptymyz. Avtomashınanyń kabınasyn qurastyryp, kelesi tsehqa daıyndaımyz. Olar boıap, shanaqtaryn iledi», - deıdi tseh brıgadıri.

Jalpy bir avtokólikti qurastyrýǵa bir-eki táýlik ýaqyt ketedi. Máselen, bir ǵana JAC markaly avtokólik usaq torap tásilimen óndiriledi. Bul tásildiń ózi ishinen birneshe bólikke jikteledi.

Dáýlet Nysanbaevtyń osy kásiporynda jumys istegenine 6 jyl. Bastapqyda ózge de jergilikti mamandarmen birge Qytaıdaǵy zaýytqa baryp tájirıbe jınap qaıtqan. Qazir kánigi sheberlerdiń biri. Ol basqaratyn dánekerleý tsehynda táýligine 16 kóliktiń kabınasy qurastyrylady.

«Bizde jalpy óndiris bóliminde 1300 adam eńbek etedi. Zaýyt olarǵa tek jalaqy tóleýmen shektelmeı áleýmettik jaǵynan da jan-jaqty qoldaý kórsetedi. Qala boıynsha tegin avtobýs júredi. Ashanada tegin túski as beriledi. Kópbalaly otbasylarǵa mektepke qajettilikterge kómektesedi. Jańa sport zaly salyndy. Tennısten, fýtboldan týrnırler ótedi. Bulardyń bári bizge jaqsy kómek», - dedi Dáýlet Nysanbaev.

Sonymen, otandyq kólikke degen suranys ishki, syrtqy naryqta básekelestikke tótep berip, avtomobıl óndirisiniń alǵa basýyna múmkindik berip otyr. Al óndiristiń damýy myńdaǵan jumys oryndary ashylyp, aldymen eldiń áleýmettik ahýalyn túzeýge sep bolary anyq.

Qazaqstan avtobıznes qaýymdastyǵynyń baspasóz qyzmetiniń habarlaýynsha, 2020 jyldyń qańtaryndaǵy jaǵdaıda Qazaqstanda óndiris kólemi ótken jylǵy kórsetkishpen salystyrǵanda 81,9% ulǵaıyp, qarjy túrindegi kórsetkishi 71% -ǵa, ıaǵnı 35,845 mln teńgege deıin ósken.

«Ótken jyly avtomobıl óndirýshiler óndiristi eki ese arttyrdy. Sonymen birge, jeńil avtomobıl jasaý salasynyń elimizdegi mashına jasaý qurylymyndaǵy úlesi 38% -ǵa joǵarylady. Biz ósý kórsetkishi bıyl da kútiledi. Biraq onyń qalaı ósetini aldaǵy satylý naryǵyna baılanysty aıqyndalady», - deıdi Qazaqstan avtobıznes qaýymdastyǵynyń vıtse-prezıdenti Anar Maqasheva.



Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT