+7 (701) 759 90 19
USD 376.16 EUR 406.18
RUB 5.90 CNY 53.60
Jańalyqtar

Qostanaıda mert bolǵan polıtseıdiń artynda 4 aılyq sábıi qaldy

2020 jylǵy 20 qańtar 10:12
Bólisińiz:
Qostanaıda mert bolǵan polıtseıdiń artynda 4 aılyq sábıi qaldy

QOSTANAI. QazAqparat – Qyzmetin atqarý kezinde mert bolǵan qostanaılyq polıtseı Darhan Bazarbaevtyń artynda 4 aılyq sábıi qaldy. Bul týraly QazAqparat oblystyq polıtsııa departamentine silteme jasap habarlaıdy.

Darhan Bazarbaev polıtsııa qyzmetine 2016 jyly kelgen. Áskerden endi kelgen jas jigit kezekshi bólimge jumysqa turyp, keıin patrýl bólimine aýysty.

Polıtsııanyń kishi serjanty Danııar Baımaǵambetovtiń aıtýynsha, Darhan ár ýaqytta kómekke kelýge daıyn turady.

«Darhan Bazarbaevtyń qazasy onyń otbasy ǵana emes, oblystyq polıtsııanyń orny tolmaıtyn qaıǵysy der edim. Ol kisige kómekteskendi qyzmetiniń basty mindeti dep biletin. Biz jumysty birge bastadyq. Jaqsy maman jaqsy dosqa aınaldy. Áli sene alar emespin. Keshe ǵana tapsyrmalardy birge oryndaǵan áriptesimiz búgin joq. Antqa adal, dosqa berik azamattan aıyryldyq. Janǵa batatyny osy», - deıdi Danııar Baımaǵambetov.

Darhan Bazarbaev 2019 jylǵy naýryz aıynda Móldir esimdi qyzben otaý qurdy. 4 aı buryn olardyń shańyraǵynda Álısultan esimdi balasy dúnıege keldi.

«Onyń qyzmettik joly taǵy bir satyǵa ósip, buǵan ákelik mindetti atqarý qosyldy. Onymen otbasy, áke bolý týraly ashyq áńgimelesetinbiz. Osy jolda aıanbaı eńbek etip kele jatty. Sportty súıdi, mansabyn jaqsy qurýǵa tyrysty. Eń bastysy, Darhan qıyndyqqa tap bolǵan adamǵa qol ushyn sozý qasıetin bıik qoıdy. Áli esimde, byltyr qysta jolda turyp qalǵan «Kamaz» júrgizýshisin aman saqtap qaldy. Júrgizýshiniń úsip ketýine jol bermedi», - dep eske aldy polıtseı Erbol Dánkenov.

Eske salaıyq, Darhan Bazarbaev 19 qańtar kúni qyzmettik mindetin atqarý kezinde qaskóıdiń qolynan mert boldy.


Bizdiń kanalymyzǵa jazylyńyz:

Basty sózder: Qostanaı oblysy, Oqıǵa,
Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT