+7 (701) 759 90 19
USD 414.46 EUR 451.35
RUB 5.77 CNY 58.12
Jańalyqtar

Qostanaıda koronavırýstyń tirkelýin kútpeı sanıtarlyq baqylaý kúsheıtilip jatyr

2020 jylǵy 2 sáýir 16:12
Bólisińiz:
Qostanaıda koronavırýstyń tirkelýin kútpeı sanıtarlyq baqylaý kúsheıtilip jatyr

NUR-SULTAN. QazAqparat – Qostanaı qalasy ákiminiń orynbasary Rústem Karkenov oblys ortalyǵynda qandaı jaǵdaıda karantın jarııalanýy múmkin ekenin túsindirdi, dep habarlaıdy QazAqparat tilshisi.

«Qostanaı qalasyndaǵy sanıtarlyq beketter adamdardyń ary-beri júrýine shekteý qoımaıdy. Qalada karantın rejimin jarııalaý úshin qalada koronavırýs juqtyrýdyń birneshe jaǵdaıy tirkelýi kerek. Alaıda vırýstyń tirkelýin kútpeı-aq sanıtarlyq baqylaýdy kúsheıtkimiz keledi. Osy maqsatta qalany aınala blok beketterdi ornatyp jatyrmyz», - dedi Rústem Karkenov Aımaqtyq kommýnıkatsııalyq qyzmetinde ótken baspasóz máslıhatynda.

Qala ákiminiń orynbasary Qostanaıda ornatylatyn 7 blok bekette adamdardyń temperatýrasy ólshenetinin aıtyp ótti.

«Ázirge bizde teplovızor joq. Endi ǵana satyp alyp jatyrmyz. Áıtse de árbir sanıtarlyq bekette temperatýra ázirge gradýsnıktermen ólshenedi. Eger árbir adam óziniń gradýsnıgimen qyzýyn teksertkisi kelse, ol ony paıdalana alady. Sonymen qatar blok beketterde eldegi tótenshe jaǵdaılar kezindegi shekteý sharalary qadaǵalanady. Atap aıtqanda maska kıip júrý, 22.00-den keıin júrmeý sekildi talaptar saqtalady», - dedi ol.

Rústem Karkenov sanıtarlyq talaptardy buzǵandarǵa ákimshilik jaýapkershilik baryn eskertti.

«Bári de bul istiń bári turǵyndardyń amandyǵy úshin jasalyp jatqanyn túsinýi kerek. Osylaısha biz qalada koronavırýs ınfektsııasynyń tirkelýine, jappaı taralýyna shekteý qoıa alamyz», - dedi ol.

Aıta ketsek buǵan deıin Qostanaı qalasy ákiminiń orynbasary Rústem Karkenov búgin saǵat túngi onnan bastap qaladaǵy úsh blok beket jumysyn bastaıtynyn málim etken edi.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT