+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

Qostanaıda EKSPO kórmesiniń 11 jobasy júzege asyrylady

2018 jylǵy 13 qańtar 00:16
Bólisińiz:
Qostanaıda EKSPO kórmesiniń 11 jobasy júzege asyrylady

QOSTANAI. QazAqparat - Qostanaıda «EKSPO-2017» halyqaralyq kórmesinde usynylǵan tyń tehnologııalardy júzege asyrý máseleleri talqylandy, dep habarlaıdy «QazAqparat» HAA tilshisi.

Jalpy alǵanda, energetıka mınıstrliginiń saraptamalyq toby «Ekspo-2017» kórmesinde usynylǵan 105 sheteldik jáne 28 otandyq tehnologııany iriktep alǵan. Ákimdikter jumysqa engizý úshin 40 tehnologııany, ulttyq kompanııalar 15-in iriktep aldy.

A.Baıtursynov atyndaǵy Qostanaı memlekettik ýnıversıtetinde ótken jıynda oblys ákiminiń orynbasary Meıirjan Myrzalıev tóraǵalyq etti.

«EKSPO-2017» kórmesinen soń elimizde júzege asyrý úshin 105 sheteldik jáne 28 otandyq tehnologııa iriktelip alyndy. Jalpy, kórmege 100 myńnan astam qostanaılyq qatysyp, álemde qoldanylyp jatqan tájirıbelermen tanysyp qaıtty. Qostanaı oblysy búkilálemdik kórmege óziniń 4 jobasyn usyndy. Olardyń arasynda Qostanaı mashına zaýytyndaǵy elektromobılderdi qurastyrý, organıkalyq qaldyqtardy qaıta óńdeý sııaqty iri-iri jobalar bar», - dedi oblys ákiminiń orynbasary

Myrzalıevtiń aıtýynsha, bıyl Bolotov rotorlyq jel týrbınasyn, kún akkýmýlıatorlaryn ornatý qolǵa alynbaq. Negizi, óńirde kórmede tanystyrylǵan 11 joba júzege asady.

«Lısakov qalasynda kóshelerdegi jaryqtandyrý júıesin aýystyrý boıynsha jumystar atqarylyp jatyr. Osy baǵyttaǵy jumys endi bastaldy, sondyqtan onyń ekonomıkalyq tıimdiligi jyldyń sońynda belgili bolmaq. Munan bólek, dál osy qalada germanııalyq kásiporyn jylý berý kózine gaz qazandyǵyn ornatady. Osylaısha, jańa qazandyq qalaǵa aı saıyn 3,5 mln teńge únemdeýge múmkindik beredi», - dedi Meıirjan Myrzalıev.

Qostanaı memlekettik pedagogıkalyq ınstıtýtynyń rektory Erkin Ábil aıtqandaı, oqý ornynda perdeshe túrindegi kún batareıalaryn qoldaný jobasy boıynsha ýkraındyq energetıkter jumys isteýde.

«Prezıdent birtutas ǵylymı-óndiristik jáne bilim konsortsıýmyn qurý qajettiligin kórsetken. Bizdiń ınstıtýtta ınnovatsııalyq, ǵylymı tehnologııalardy ázirleýge baǵdarlanǵan bilim men ǵylym damýynyń jańa úlgisi jasaldy. Biz bul baǵytta 2012 jyldan beri jumys istep kelemiz. Barlyq fakýltetterde stýdenttik zertteý toptary quryldy. Stýdentterdiń jobalyq-zertteý qyzmetin yntalandyrý maqsatynda jyl saıyn stýdenttik startaptar baıqaýy ótkizilip, ony qoldaý úshin 1 mln teńge bólinip otyrady», - dedi Erkin Ábil.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT