+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

Qostanaıda dástúrli án baıqaýynyń jeńimpazdary anyqtaldy

2019 jylǵy 17 qazan 18:57
Bólisińiz:
Qostanaıda dástúrli án baıqaýynyń jeńimpazdary anyqtaldy

QOSTANAI. QazAqparat – Qostanaı aýdanynda «Arqada Naýshabaıdyń Nurjany ótken…» atty І respýblıkalyq dástúrli án oryndaýshylary baıqaýy máresine jetti, dep habarlaıdy QazAqparat.

Uqsas jańalyqtar
11 jasar almatylyq Los-Anjeleste Azııa kınosy festıvaliniń qyzyl kilemimen júrip ótti Qaraǵandyda Mádı Bapıuly atyndaǵy dástúrli án oryndaýshylar baıqaýy ótýde Tólebı aýdanynyń ákimi «Bala daýysy-2019» baıqaýynyń jeńimpazyn qabyldady

Buǵan deıin habarlaǵanymyzdaı, baıqaýǵa Qostanaı oblysynan bólek Semeı, Almaty, Nur-Sultan, Jezqazǵan, Kókshetaý qalalarynan 15 úmitker keldi.

Baıqaýdyń gala-kontserti bastalmas buryn áıgili jyraý, folklortanýshy Almas Almatov jas dombyrashylarǵa sheberlik sabaǵyn ótkizdi.

«Jyrdy, dastandy, tolǵaýdy jattap alý men sińirip alýdyń ara-jigi bar. Máselen, «Temirtas»! Biz úshin birer aýyz ǵana óleń bolýy múmkin, al zadynda mán-mazmunyna tereń boılar bolsaq, tutas ǵumyr jatyr. «Láılim», «Maqpal» syndy týyndylardy osy sanatqa jatqyzýǵa bolady. Mundaı keremet jaýharlardy jazyp ketken myqtylar HІH ǵasyr men HH ǵasyrda ómir súrdi. Bile-bilseńizder, Aqannyń, Mádıdiń, Nurjannyń, Kenenniń bir-bir týyndysynyń ózi jeke fılmge tatıtyn qoıý dúnıe. Sondyqtan, bálenbaı aýyz týyndyny tutastaı sýdyratyp jattaǵannan bir qaıtarymyn bolsa da, túısikpen qabyldap, qaýymǵa pash etkenniń quny artyq. Sizderdiń moıyndaryńyzda úlken mıssııa bar.

Ǵasyrlar boıy qalyptasyp, dalanyń, babanyń zaryn, muńyn, qýanyshyn darytqan orasan baı dúnıeni óltirip almaý kerek. Baba murany búldirmeı keleshekke amanattaý – ortaq paryz, mindet!» - dep túsindirdi jyraý.

Kezdesý barysynda A. Almatov «Kóruǵly» qaharmandyq halyq eposynyń úzindisin oryndady. Jıyn sońynda ár qatysýshyǵa sertıfıkat tabystaldy.

Munan soń dástúrli án baıqaýynyń jeńimpazdary anyqtaldy. Qazylar alqasy jańarqalyq ánshi Farhad Jákishke bas júldeni baılady. Eýrazııa Ulttyq óner ýnıversıtetiniń ІІ kýrs stýdenti arnaıy dıplom jáne 500 teńgeniń syıaqysyn ıelendi. Almatylyq Zarına Rahmanberdıeva júldeli birinshi orynmen marapattalyp, 300 myń teńgeniń sertıfıkatyn aldy. Ekinshi orynǵa ıe bolǵan Semeı qalasynyń ókili Tańat Muqashev pen nursultandyq Aqyltaı Zekenovtiń árqaısysyna 200 myń teńgeden syıaqy berildi. Úshinshi oryn kókshetaýlyq Názıra Beısenova, jezqazǵandyq Saǵymbaı Málibekov pen Qostanaı aýdanynyń ókili Janat Minaıdarǵa buıyrdy. Olardyń árqaısysy 100 myń teńgeniń sertıfıkatyna ıe boldy.






Bizdiń kanalymyzǵa jazylyńyz:

Basty sózder: Qostanaı oblysy, Mádenıet, Óner,
Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT