Qostanaıda alaıaqtar 50 mln teńgeniń júgin zańsyz ıemdenip ketken

QOSTANAI. QazAqparat – Qostanaı oblysynda qymbat múlikti zańsyz ıemdenip ketken alaıaqtar izdestirilip jatyr, dep habarlaıdy QazAqparat oblystyq polıtsııa departamenti baspasóz qyzmetine silteme jasap.

Uqsas jańalyqtar

Semeı turǵyndary jalǵan kásipke 40 mln teńge quıǵan

Atyraý polıtseıleri izdeýde júrgen 57 qylmyskerdi ustady Taldyqorǵanda 10 ret sottalǵan er adam úı tonady degen kúdikpen taǵy ustaldy Elimizde 22 jasyryn kazınonyń kózi joıyldy

Qostanaı oblysy polıtsııa departamentiniń bastyǵy Beket Aımaǵambetovke Qazaqstan men Reseı arqyly júk tasymaldaıtyn kólik fırmasynyń ıesi ótinish bildirdi. Ol ınternet-alaıaqtardyń qurbany bolǵanyn aıtqan. Kásipker ınternetten «kólik júrgizýshisin» taýyp, kelisim-shart jasasqan. Alaıda qymbat júk dittegen jerine deıin jetpegen.

«Olardyń barlyǵy Qostanaı qalasynyń turǵyny, olardyń bireýin bilemin, sondyqtan da olarǵa senip edim. Quny 50 mıllıon teńgeden asatyn júk Óskemennen Reseıge jetkizilýi tıis edi. Arada kelisim-sharttyń baryna qaramastan, alaıaqtar orta jolda telefonǵa jaýap bermedi», - deıdi kásipker.

Kásipker tanysy arqyly óz múlkiniń Reseıdiń basqa qalasyna jetkizilgenin anyqtaǵan.

Polıtsııa departamenti bastyǵynyń nusqaýy boıynsha bul qylmysty tergeý úshin arnaıy jedel-tergeý toby quryldy.

«Arnaıy top Qazaqstannyń birneshe oblysynda tergeý júrgizedi. Bul alaıaqtyqtyń óte sırek tásili, tergeý jumystarymen tájirıbeli polıtsııa qyzmetkerleri aınalysady», - dep atap ótti general Aımaǵambetov.

Jyl basynan beri vedomstvo basshysynyń jeke qabyldaýyna 200-den astam azamat júginse, olardyń máseleleri sheshilip, zań keńesteri berilgen.