Qostanaıda 30 adamdy órtten qutqarǵan polıtseı marapattaldy

QOSTANAI.QazAqparat — Konstıtýtsııa kúnine oraı Qostanaı oblysynyń polıtsııa departamentinde úzdik qyzmetkerler marapattaldy. Saltanatty is-shara vedomstvolyq mýzeıde ótti, dep habarlaıdy QazAqparat.

Uqsas jańalyqtar

Oralda polıtseıler aýdarylǵan avtokólikten úsh adamdy shyǵaryp úlgerdi

Órtengen ǵımaratta qalyp qoıǵan kishkentaı balany qutqarǵan eki qaraǵandylyq marapattaldy Taraz polıtseıleri men dárigerler dáriden ýlanǵan búldirshinniń ómirin qutqardy

Úzdik polıtseılerdi oblystyq PD bastyǵynyń mindetin atqarýshy Nyǵmet Ismagýlov marapattady.

«Polıtsııa qyzmetkerleri azamattardyń zańdy quqyqtaryn qamtamasyz ete otyryp, qylmyspen kúreste aldyńǵy qatarda júredi. Sol sebepti memleket qyzmetkerlerdi merekelik sharalarda marapattaıdy. Ol árbir tártip saqshysy úshin mártebeli, jaýapty sát», - dep atap ótti polıtsııa polkovnıgi.

Іs-sharada minsiz qyzmeti men joǵary kórsetkishteri úshin úzdik polıtseılerdiń esimi ataldy. Sonyń biri — polıtsııa ınspektory, aǵa serjant Nurbek Esqabyl. Ol «Qoǵamdyq tártipti qamtamasyz etýge qosqan úlesi úshin» medalimen marapattaldy.

Polıtseı bıyl áriptesimen birge órtten 76 jastaǵy zeınetker men sábıdi qutqarǵan. Janyp jatqan úıden barlyǵy 30-dan astam adamdy alyp shyqty.

«Іshki 2-dárejeli ogandardyń úzdigi» tósbelgisi Kóshi-qon polıtsııasy basqarmasynyń erekshe tapsyrmalar jónindegi aǵa ınspektory polıtsııa maıory Rabıǵa Musabaevaǵa berildi.

«Polkovnık» pogonyn krımınaldyq polıtsııa bastyǵynyń orynbasary ıÝrıı Polıýhov aldy. Ol polıtsııada 23 jyldan astam ýaqyt qyzmet etedi, búkil mansabyn jedel qyzmet bólimine arnaǵan. ıÝrıı Polıýhov merziminen buryn áskerı ataq alý úlken mártebe ekenin atap ótti.

«Konstıtýtsııa kúnin merekeleý qarsańynda 118 qostanaılyq polıtseı marapattaldy, onyń ishinde 23 qyzmetker Іshki ister mınıstriniń quqyqtarymen madaqtaldy», - dep atap ótti Qostanaı oblysy PD bastyǵynyń orynbasary Ardaq Yntyqbaev.

Búginnen bastap polıtseıler qyzmet ótkerýdiń kúsheıtilgen rejımine kirisip, oblys aýmaǵynda mereke kúnderi quqyqtyq tártipti qamtamasyz etetin bolady.