+7 (701) 759 90 19
USD 428.05 EUR 501.2
RUB 5.47 CNY 63.87
Jańalyqtar

Qostanaıda 1200 kásipkerge negizsiz salyq salǵan sheneýnik jazaǵa tartylmaq

2020 jylǵy 24 qyrkúıek 23:17
Bólisińiz:
Qostanaıda 1200 kásipkerge negizsiz salyq salǵan sheneýnik jazaǵa tartylmaq

QOSTANAI. QazAqparat – Qostanaı qalasy ákimdiginiń sáýlet bóliminiń basshysyna qatysty tártiptik is qozǵaldy. Bul týraly Qostanaı oblysy kásipkerleriniń quqyqtaryn qorǵaý jónindegi keńestiń otyrysynda belgili boldy, dep habarlaıdy QazAqparat.

«Atameken» QR Ulttyq kásipkerler palatasynyń baspasóz qyzmetine silteme jasap.

Qostanaı qalasy ákimdigi sáýlet bóliminiń basshysy bızneske kedergi keltirgeni úshin jazalanbaq. Naqtylap aıtsaq, ol 1251 qostanaılyq bıznesmenge negizsiz salyq artýǵa sheshim qabyldaǵan.

«Memlekettik organ ústirt jumys atqardy. Kásipkerlermen jumys istelmedi, olarǵa shaǵymdanýǵa múmkindik bermedi. Bul jerde 1251 kásipkerdiń múddesi qozǵalyp otyr. Olardyń barlyǵy qıyn jaǵdaıǵa tap boldy. Keıbireýleri tipti shottaryn ashý úshin qaryzdaryn tóledi. «Jarnama týraly» Zańnyń talaptary anyq buzyldy. Buǵan túbegeıli baǵa berý kerek. Biz kináli laýazymdy tulǵalardyń jaýapkershiligi týraly másele qoıýǵa tıispiz», - deıdi Qostanaı oblysy kásipkerleriniń quqyqtaryn qorǵaý jónindegi keńestiń tóraǵasy Vladımır Shakýn.

«Atameken» QR Ulttyq kásipkerler palatasy bul másele boıynsha Qostanaı oblysynyń memlekettik qyzmet isteri departamentine hat joldady. Departament basshysynyń orynbasary Erlan Salyqbaevtyń aıtýynsha, 22 qyrkúıekte Qostanaı ákimdigi sáýlet bóliminiń basshysyna qatysty tártiptik is qozǵalǵan.

«Іs «Memlekettik qyzmet týraly Zańnamany» buzý faktisi boıynsha qozǵaldy, sheneýnik kásipkerlik qyzmetke aıqyn kedergi keltirdi. Qazirgi ýaqytta qyzmettik tergeý júrgizilýde. Tergeý nátıjeleri 15 kún ishinde daıyn bolady. Sondyqtan biz qazan aıynyń birinshi onkúndiginde Ádep jónindegi keńestiń otyrysynda túpkilikti sheshim qabyldaýdy josparlap otyrmyz», - dep atap ótti jıyn barysynda E.Salyqbaev.

Keńes otyrysynda belgili bolǵandaı, jaqyn arada Qostanaıda bıznes-obektilerde tekserýler júrgizetin jumys toby qurylady. Bıznes quqyǵyn buzýdy boldyrmaý úshin oǵan Qostanaı oblysynyń kásipkerler palatasynyń ókilderi kiredi.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT