Qostanaı oblysynyń shalǵaı aýylynda sút óńdeý tsehy iske qosyldy

QOSTANAI. QazAqparat - Amangeldi aýdanynyń aýyl sharýashylyǵy salasynda segiz aıda 8,5 mlrd teńgeniń ónimi óndirilgen, dep habarlaıdy QazAqparat.

Uqsas jańalyqtar

SQO-da eýrostandartqa saı sút fermasy iske qosyldy

Quramynan ósimdik maıy tabylǵan sút ónimderi saýda aınalymynan alynyp tastaldy

Óńirlik kommýnıkatsııalar qyzmetinde ótken baspasóz jıynynda Amangeldi aýdanynyń ákimi Ámirhan Asanov baıandama jasady. Onyń sózinshe, aýyl sharýashylyǵy salasynda segiz aıda 8,5 mlrd teńgeniń ónimi óndirilgen. 3,1 myń tonnadan astam et, 29,5 myń tonna sút, 6,2 mln danaǵa jýyq jumyrtqa alyndy,

Egin sharýashylyǵymen aınalysatyn 88 seriktestik pen sharýa qojalyǵy 2 mlrd astam teńgeniń ónimin óndirip otyr.

«Bıylǵy egistik kólemi byltyrǵy jylmen salystyrǵanda 7 232 gektarǵa ulǵaıyp, barlyq egistik kólemi 138 myńnan astam gektardy qurady. 126, 9 myń gektar jazdyq bıdaı alańynan alynǵan ónim 85 myń tonna, gektarynan 6,7 tsentnerden oralyp otyr, Mal sharýashylyǵy salasyndaǵy 357 sharýa qojalyǵy men 5 seriktestikke 637 myń ga jer bekitilip berilgen. Olar 6,3 mlrd teńgeniń ónimin naryqqa shyǵardy», — deıdi Á.Asanov.

Aýdan sharýashylyqtary 37,9 myń iri qara, 85,5 myń qoı-eshki, 20 myńdaı jylqy, 155 myńnan astam qus ustaıdy. Qyzmet istep turǵan 912 shaǵyn jáne orta bıznes sýbektilerinde 1772 adam eńbek etedi. Jyldyń alǵashqy toǵyz aıynda kásipkerler 944 mln teńgeniń ónimin óndirip, qyzmetter kórsetip otyr. Al óńirde bıznes bastaýǵa nıettenip otyrǵandar az emes. Máselen, «Qarapaıym zattar ekonomıkasy» baǵdarlamasy sheńberinde «Batpaqqara» ShQ «Sút óńdeý tsehy» jobasy boıynsha 13 mln teńgege «Qazaqstan halyq banki» arqyly nesıe aldy. Qazirgi tańda qural-jabdyqtar satyp alynýda.

«Prezıdent Joldaýynyń kásipkerlik salasyna taǵy bir úlken kómegi – mıkro jáne shaǵyn bıznes salasyndaǵy kompanııalardy tabysqa salynatyn salyqtan úsh jylǵa bosatý . Atalǵan jeńildik boıynsha aýdanymyzda 500-ge tarta kásipker salyqtan bosatylyp, óz kásibin dóńgeletýge múmkindik alady», — deıdi aýdan ákimi.

Respýblıkalyq jáne oblystyq bıýdjet esebinen jalpy quny 992,1 mln teńge bolatyn «Amangeldi jáne Esir aýyldaryndaǵy sý berý júıelerin qaıta qurylymdaý» jumystary aıaqtalýǵa jaqyn. Aýyz sýmen 9 myńǵa tarta adam qamtamasyz etiledi dep kútilýde. Al aldaǵy eki jylda Qabyrǵa aýylyn aýyz sýmen qamtamasyz etý maqsatynda 7,4 mln teńgeniń jobalyq-smetalyq qujattary ázirlenip jatyr. Aıta ketsek, qazirgi ýaqytta aýdandaǵy 30 eldi mekenniń 13-i ortalyqtandyrylǵan sý júıesimen qamtamasyz etilgen.

Jastar jylyna oraı oblysta alǵashqylardyń biri bolyp jas mamandarǵa arnap quny 17 mln teńge bolatyn jalpy aýdany 296 sharshy metrdi quraıtyn 8 páterli úı salyndy. Onda bıýdjettik mekemelerde jumys isteıtin jas mamandar qonystanyp otyr.