Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 378.83 EUR 430.99
RUB 6.04 CNY 55.05
Jańalyqtar

Qostanaı oblysynda jylqylarǵa GPS ornatylady

2019 jylǵy 22 mamyr 19:42 698
Bólisińiz:
Qostanaı oblysynda jylqylarǵa GPS ornatylady

QOSTANAI. QazAqparat - Bıyl óńirdiń epızootııalyq turaqtylyǵyn saqtaýǵa, enzootııalyq preparattar satyp alýǵa, tsıfrlandyrý jumystaryn ilgeriletýge oblystyq bıýdjetten 277 mln teńge bólindi. Bul týraly oblystyq veterınarııa basqarmasy basshysynyń mindetin atqarýshy Baýyrjan Beket BAQ ókilderimen ótken brıfıngte baıandady, dep habarlaıdy QazAqparat.

Uqsas jańalyqtar
Qazaqstanda aýyl sharýashylyǵy ónimderiniń kólemi 3,7%-ǵa artty 2019 jyly apatty jaǵdaıdaǵy 6 sý qoımasy rekonstrýktsııalanady

Aýyl sharýashylyǵy salasynyń jetistikteri qaı ýaqytta da epızootııalyq ahýaldyń turaqtylyǵyna baılanysty. Bul másele oblys basshylyǵynyń qatań baqylaýyna alyndy.

«Búginde Qostanaı oblysynyń aýmaǵy janýarlardyń asa qaýipti juqpaly aýrýlarynan taza, epızootııalyq jaǵdaı turaqty. Sonyń nátıjesinde aýyl sharýashylyǵy taýaryn óndirýshiler óz ónimderin shet elderge, elimizdiń basqa oblystaryna esh kedergisiz shyǵaratyn múmkindigi bar. Jyl saıyn veterınarlyq-sanıtarlyq qaýipsizdikti qamtamasyz etý jónindegi strategııalyq mindetterdi júzege asyramyz. Strategııa sheńberinde janýarlardyń asa qaýipti juqpaly aýrýlarynyń 11 túrine, enzootııalyq aýrýlardyń 5 túrine qarsy vaktsına egiledi, aýrýdyń 32 túrine dıagnostıkalyq zertteýler júrgiziledi. Veterınarlar jyl ishinde 5 mln-ǵa jýyq manıpýlıatsııa jasaıdy», - deıdi Baýyrjan Beket.
Qostanaı oblysynda jylqylarǵa GPS ornatylady 

Onyń sózinshe, qoıylǵan mindetterdi sapaly oryndaý úshin 9 ındıkator belgilengen. Osy ındıkatorlardyń biri - ІQM brýtselleziniń taralý dınamıkasyn tómendetip, keıin onyń turaqty túrde ustap, odan ári órshýine jol bermeý.

«Eger 2014 jyly ІQM brýtselleziniń taralý kórsetkishi oblys boıynsha 1 % qurasa, bul kórsetkish jyl saıyn tómendep, brýtsellez aýrýynyń taralýy azaıa bastady. Veterınarııa basqarmasy eldi mekender men sharýashylyqtardaǵy brýtsellez aýrýyna turaqty monıtorıng júrgizip, der kezinde saýyqtyrý sharalaryn júzege asyryp otyrady. Byltyr ІQM brýtsellezi boıynsha 10 eldi meken men sharýashylyqtar aýrý oshaǵy dep jarııalanyp, shekteý sharalary júzege asyryldy. Jyl sońynda 9 aýrý oshaǵy indetten tolyq saýyqtyryldy, qalǵan 1 aýrý oshaǵynda jáne bıyl ashylǵan 3 oshaqta saýyqtyrý jumystary jalǵasýda», - dedi ol.

Oblystyń epızootııalyq turaqtylyǵyn saqtaý maqsatynda janýarlardyń bir jerden ekinshi jerge orynyn aýystyrýǵa baqylaý jolǵa qoıylǵan. Ol úshin kúndelikti beriletin veterınarııalyq anyqtamalar aýyl sharýashylyǵy mınıstrliginiń aqparattyq júıesi arqyly qadaǵalanyp otyrady. Sondaı-aq keshendi jumystar qataryna  eldi mekender men sharýashylyqtarda profılaktıkalyq dezınfektsııa jumystaryn júrgizý jatady. 2018 jyldyń qorytyndysy boıynsha 2169 obektige 1  mln 244 myń  kvadrat metrlik aýdanǵa dezınfektsııa jumystary júrgizildi.

Veterınarııalyq-sanıtarııalyq qaýipsizdikti qamtamasyz etýdiń bir tetigi - mal ólekselerin der kezinde ýtılızatsııa jasaý. Baýyrjan Beket aıtqandaı, búginde oblysta mal ólekselerin órteıtin 26 arnaıy pesh-ınsıneratorlar jumys isteıdi.

«Enzootııalyq aýrýlarǵa qarsy preparattardy qoldanýdan jaqsy nátıjeler alǵan birqatar sharýashylyqtar bar. Mysalǵa, Qostanaı aýdanynyń «Karl Marks» seriktestigi, Meńdiqara aýdanynyń «Zarıa» aktsıonerlik qoǵamy óz qarajatyna preparattardy satyp alyp, 10 jyl boıy úzbeı qoldaný nátıjesinde, osy sharýashylyqtarda brýtsellez jáne týberkýlez boıynsha turaqty epızootııalyq jaǵdaı qalyptasqan. Maldyń ortasha salmaǵy jáne sút óndirý basqa sharýashylyqtarmen salystyrǵanda joǵary», - dep túsindirdi Baýyrjan Beket.

Bıyl atalmysh basqarma karantındik is-sharalar júrgizýdi kúsheıtpek. Sonymen qatar, jylqylardyń qozǵalysyn  qadaǵalaýǵa arnalǵan GPS-júıesimen jabdyqtaý jobasyn jalǵasady.

«Bıyl 50 jylqyǵa ornatý josparlanǵan, bul arqyly 2500 basqa jýyq jylqynyń qozǵalysy qadaǵalanatyn bolady. Bul tehnologııa jylqy ósirýshilerge, jeke tulǵalarǵa jylqynyń turǵan orynyn tsıfrlyq júıe kómegimen qadaǵalýǵa múmkindigin beredi,  mal urlyǵy men joǵalýdyń aldyn alady. Halyqaralyq epızootııalyq bıýro sarapshylarynyń elimizdiń veterınarııalyq qyzmetine bergen PVS baǵasyna sáıkes jasalynǵan jumys josparyn oblys aýmaǵynda júzege asyramyz», - dep túıdi basqarma basshysynyń mindetin atqarýshy.

 

 

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059
MURAǴAT