+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Qostanaı oblysynda jyl basynan beri 500 kılogramǵa jýyq esirtki tárkilendi

2020 jylǵy 20 qarasha 02:21
Bólisińiz:
Qostanaı oblysynda jyl basynan beri 500 kılogramǵa jýyq esirtki tárkilendi

QOSTANAI. QazAqparat – 39 jastaǵy Jitiqara qalasynyń turǵyn jarty kılogramm geroındi úıinde saqtaǵan. Tergeý áreketterin júrgizý kezinde polıtseıler tarazy men bir mıllıon teńgeden astam aqsha tárkiledi, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

«Dármek» respýblıkalyq jedel-aldyn alý is-sharasy aıasynda júrgizilgen arnaıy operatsııanyń mán-jaıy týraly Jitiqara qalasy jáne aýdandyq polıtsııa bólimi bastyǵynyń orynbasary Álibek Shandalınov aıtyp berdi.

«Esirtki taratýshyny ustaý operatsııasy 2020 jyldyń qazan aıynda bastaldy. Bizge qala aýmaǵynda geroın paıda boldy degen aqparat keldi. Júrgizilgen jedel-tergeý is-áreketteri arqyly biz esirtkini taratýshyǵa shyǵa aldyq. Shekara qyzmeti men arnaıy polıtsııa bólimshesiniń kómegimen 39 jastaǵy qala turǵyny janarmaı quıý beketiniń janynda ustaldy», dep atap ótti Álibek Shandalınov.

Keıinnen kúdiktiniń úıi men garajyna tintý júrgizý kezinde polıtsııa jalpy salmaǵy 499 gr geroındi tárkiledi. Esirtki jasyryn jerde, edenniń astynda saqtalǵan. Tergeý áreketterin júrgizý kezinde qyzmettik-izdestirý ıtteri paıdalanyldy.

Qazirgi ýaqytta QR QK 297-baby 3-bóligi «Asa iri mólsherde esirtki zattaryn ótkizý maqsatynda zańsyz daıyndaý, qaıta óńdeý, satyp alý jáne saqtaý, tasymaldaý» boıynsha sotqa deıingi tergeý bastaldy.

Jyl basynan beri oblysta zańsyz aınalymnan 473 kılogramnan astam túrli esirtki quraldary, sıntetıkalyq psıhotroptyq zattar men olardyń balamalary tárkilendi.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT