+7 (701) 759 90 19 Lenta
USD 386.71 EUR 429.17
RUB 6.02 CNY 54.66
Jańalyqtar

Qostanaı oblysynda jol jóndeýge 11,6 mlrd teńge bólinedi

2019 jylǵy 4 naýryz 18:06
Bólisińiz:
Qostanaı oblysynda jol jóndeýge 11,6 mlrd teńge bólinedi

QOSTANAI. QazAqparat - Bıyl Qostanaı oblysynda jergilikti mańyzy bar 394 shaqyrym tasjol jóndeledi. Bul týraly búgin «Nur Otan» partııasy oblystyq fılıaly Saıası keńesiniń keńeıtilgen otyrysynda málim boldy, dep habarlaıdy QazAqparat tilshisi.

Oblystyq Jolaýshylar kóligi jáne avtomobıl joldary basqarmasynyń basshysy Baqytbek Esenǵulovtyń sózinshe, oblystyq jáne aýdandyq mańyzy bar avtomobıl joldarynyń jelisi respýblıkadaǵy eń uzyn joldardyń biri sanalady. Ol 7880 shaqyrymǵa teń. Byltyr jergilikti mańyzy bar avtomobıl joldary jalpy somasy 10 mlrd teńgege kúrdeli jáne ortasha jóndeýden ótti. Barlyǵy 335 shaqyrym avtojol qaıta jańǵyrtyldy.

«Elbasy tapsyrmasy boıynsha, 2019 jyly jergilikti mańyzǵa ıe 394 shaqyrym tasjol jóndeýden ótedi. Bul maqsatta 11,6 mlrd teńge jumsaý kózdelgen. Osy jyldan bastap jergilikti joldarǵa ortasha jóndeý júrgizýge basymdyq berilgenin atap ótý qajet. Sonyń arqasynda neǵurlym kóp aýmaqty qamtı alamyz. Mamandarmen keńese kele, jol jóndeý jumystaryna «sýyq resaıklıng» ádisin qoldanamyz. Ol bizdiń klımattyq beldeýimizge dálme-dál keledi. Dymqyldy jaqsy kóteredi», - deıdi Baqytbek Esenǵulov.

Ortasha jóndeý boıynsha jobalardy qarjylandyrý 50/50 úlgisimen júzege asyrylady. ıAǵnı respýblıkalyq bıýdjet qarajaty esebinen jarty soma alynsa, ekinshi bóligi oblystyq bıýdjetten tólenedi.

Eske salaıyq, QR Prezıdenti «Nur Otan» partııasynyń kezekti XVIII sezinde 2025 jylǵa qaraı oblystyq jáne aýdandyq mańyzy bar joldardyń 95 paıyzynyń jaı-kúıi aıtarlyqtaı jaqsaratynyn atap ótken edi. Sonymen qatar Elbasy óńirlik kólik ınfraqurylymynyń barlyq nysandary, onyń ishinde áýejaılar, avto jáne temirjol vokzaldary jańǵyrtylýy tıistigin basa aıtty.

Baqytbek Esenǵulovtyń pikirinshe, Memleket basshysynyń tapsyrmasyn oryndaý úshin jyl saıyn oblysta 500 shaqyrymnan kem emes avtojoldy jóndeý qajet. Buǵan qosa, ár jyly 20 mlrd teńge bólinip otyrýy tıis.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT