Qostanaı oblysynda zeınetker eki ulynyń kóz aldynda sýǵa batyp ketti
2021 jylǵy 23 qarasha 18:41

Qostanaı oblysynda zeınetker eki ulynyń kóz aldynda sýǵa batyp ketti

QOSTANAI. QazAqparat – 72 jastaǵy er adam Obaǵan ózeninen ótpek bolǵanda sýǵa batyp ketti, dep habarlaıdy QazAqparat tilshisi oblystyq TJD baspasóz qyzmetine silteme jasap.

«22 qarashada Meńdiqara aýdanynda eki uly, ákesi jáne taǵy bir er adam Harkov kentinen 40 shaqyrym jerde Obaǵan ózenine balyq aýlaýǵa barǵan. Saǵat 21:20-da «112» nómirine 1949 jylǵy er adamnyń jeńil kólikpen ózennen ótpek bolyp, sýǵa batyp ketkeni týraly habar túsken», - dedi departamentten.

23 qarashada saǵat tańǵy 9:00-de qutqarýshylar oqıǵa ornyna jetip, er adamnyń máıitin sýdan shyǵarý jumysyna kirisken. Uldary bul jaǵdaıdy oqys oqıǵa dep otyr.

«Biz jelini teksermek bolyp ketip qaldyq, ákemiz mashınalardy kúzetip qalǵan. Motordyń daýysyn estip, ákemizdiń kólikterdiń birine minip, juqa muzdyń ústimen júrip ketkenin kórdik. Artynan júgirip baryp, aıqaıladyq, sıgnal berdik. Ári qaraı ol sýǵa batyp ketti, biz onyń artynan muzdyń astyna tústik. Biraq, ony shyǵara almadyq. Ákemizdiń mundaı qadamǵa nelikten barǵanyn túsine almaı jatyrmyz, biz munda birneshe ret kelgenbiz jáne qaýipti oryndardy bilemiz», - dedi qaza tabýshynyń ulynyń biri.

Tańǵy saǵat 10:00-de súńgýirler muz astynan máıitti alyp shyǵyp, týystaryna berdi.


Uqsas jańalyqtar

Jańalyqtar

Úrdis

MURAǴAT