Qostanaı oblysynda qustyń qyrylýyna qatysty túsinik berildi
2022 jylǵy 20 maýsym 12:28

Qostanaı oblysynda qustyń qyrylýyna qatysty túsinik berildi

QOSTANAI. QazAqparat - Qostanaı veterınarııa basqarmasy Fedorovskıı jáne Qarabalyq aýdandarynda qustardyń qyrylýyna qatysty aqparatqa túsinik berdi, dep habarlaıdy QazAqparat.

Vedomstvo málimetinshe, Qarabalyq aýdanynyń Toǵyzaq, Verenka, Smırnovka jáne Mıhaılovka eldi mekenderinde qustarda Nıýkasl aýrýyna uqsas klınıkalyq belgiler baıqalǵany týraly habarlamalar veterınarlyq qyzmetke 9 sáýirde túse bastaǵan.

«Aýdannyń veterınarlyq qyzmeti aýrý qustyń bıologııalyq jáne patologııalyq materıaldaryn jınap, Nıýkasl aýrýyna tekserý úshin Nur-Sultan qalasynyń veterınarııa jónindegi ulttyq referenttik ortalyǵyna jiberdi. Qus aýrýy tirkelgen jeke qosalqy sharýashylyqtarda Qarabalyq aýdanynyń veterınarlyq stantsııasy aýrýdyń taralýyna tosqaýyl qoıý maqsatynda qora-qopsy men aýlalardy dezınfektsııalap, 1444 bas qusqa profılaktıkalyq ekpe saldy. Qustardy qaıta vaktsınalaý alǵashqy ekpeden keıin eki aptadan soń qarastyrylǵan», - dep túsindirdi veterınarııa basqarmasynan.

Salalyq vedomstvonyń sendirýinshe, 9 maýsymnan beri qus aýrýy tirkelgen joq.

Fedorov aýdanyna kelsek, veterınarlyq qyzmettiń málimeti boıynsha qustardyń jappaı qyrylýy tirkelmegen. Qustardyń ólý faktilerin turǵyndar aýdandyq veterınarııa qyzmetine habarlaǵan joq. Aqparatqa sáıkes, 15 maýsymda Lenıno aýylynda 3 qus ólgen.


Seriktester jańalyqtary

Jańalyqtar

Úrdis

MURAǴAT