Qostanaı oblysynda kópbalaly otbasylarǵa 72 páter beriledi – ákimdik

QOSTANAI. QazAqparat – Qostanaı oblysynyń ákimi Arhımed Muhambetov óńirdegi turǵyn úı saıasatyn iske asyrý barysy týraly keńes ótkizdi, dep habarlaıdy QazAqparat oblys ákiminiń baspasóz qyzmetine silteme jasap.

Uqsas jańalyqtar

Qyzmet barysynda jaraqattanǵan polıtseıdiń otbasy baspana tólemderin alýdy jalǵastyrady

Almaty oblysynda úıi órtenip ketken kópbalaly otbasy baspanaly boldy Depýtat jastarǵa jalǵa beriletin páter qurylysyn qarjylandyrýdy surady «Almaty jastary» turǵyn úı baǵdarlamasyna ótinim qabyldaý 10 naýryzdan bastalady

Arhımed Muhambetov tıisti basqarma basshylary men aýdan-qala ákimderine 2021 jyly turǵyn úıdi paıdalanýǵa berý kórsetkishin 10%-ǵa arttyrý mindetin qoıdy.

2020 jylmen salystyrǵanda bıyl 417,2 myń sharshy metr turǵyn úı salynady.

«Osy jyldyń birinshi toqsanynda 93,5 myń sharshy metr baspanany paıdalanýǵa berý josparlanǵan. Onyń ishinde kópqabatty turǵyn úıler úlesi – 64,7 myń sharshy metr», — dedi oblys ákimi.

Bıyl «Nurly jer» baǵdarlamasyn júzege asyrýǵa bıýdjetten 20,4 mlrd teńge bólingen.

Osy qarajattyń 10,1 mlrd teńgesi ınjenerlik-kommýnıkatsııalyq ınfraqurylymǵa jumsalsa, 7,1 mlrd teńge 33 nesıelik úı qurylysyna baǵyttalyp otyr.

2,3 mlrd teńge halyqtyń áleýmettik turǵydan osal sanalatyn sanaty úshin jaldamaly páter jobalaryn júzege asyrýǵa baǵyttalmaq.

Al kópbalaly otbasylarǵa 72 páter satyp alýǵa 900 mln teńge qarastyryldy.

Arhımed Muhambetov Qostanaı, Rýdnyı qalalary jáne Qostanaı aýdany ákimderiniń baıandamasyn tyńdaldy.

Sondaı-aq «Otbasy bank» fılıalynyń ókili de oblys aýmaǵynda nesıelik turǵyn úı satý máselesi boıynsha málimet berdi.

Jıyn qorytyndysynda oblys ákimi turǵyn úı qurylysynyń qarqynyn tómendetpeýdi, ınjenerlik-kommýnıkatsııalyq ınfraqurylymdy jetkizý turǵysyndaǵy jumysty jalǵastyrýdy tapsyrdy.

Buǵan qosa qurylysy byltyr bastalǵan nysandardy sapaly ári merziminde aıaqtaýdy júktedi.