+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

Qostanaı oblysynda kólik qalaı qurastyrylady

2020 jylǵy 29 aqpan 09:28
Bólisińiz:
Qostanaı oblysynda kólik qalaı qurastyrylady

QOSTANAI. QazAqparat – Bıyl Qostanaı oblysynda 50 myń avtokólik naryqqa shyǵarylmaq. Mamandar muny otandyq ónimge degen suranystyń artqany dep otyr. «QazAqparat» tilshisi jergilikti avtozaýytqa baryp, kólik shyǵarý isimen etene tanysyp qaıqan bolatyn.

Qazaqstannyń avtomobıl ónerkásibiniń tarıhy jol talǵamaıtyn «Nıva» jeńil kólik qurastyrýdan bastaý alǵan. Munan keıin elimizde «SaryarqaAvtoProm», «SemAZ», «KAMAZ-Injınırıng», «Hyundai Trans Auto», «Daewoo Bus Kazakhstan» sekildi avtokólik qurastyrý kásiporyndary sapqa qosyldy. Osy kásiporyndar jumysynyń nátıjesinde elimizde avtoónerkásip salasy paıda boldy. Jyldan jylǵa jetilip, qarqyndy damyp kele jatqan Qostanaı oblysy kólik shyǵarýdyń zamanaýı tetikterine kóshken. Jańa ındýstrııalandyrýdyń birinshi bes jyldyǵynyń qorytyndysynda avtomobıl óndirisi óńdeý ónerkásibindegi eń qarqyndy damýshy sala retinde tanytty. «SaryarqaAvtoProm» zaýyty álemdik brend sanalatyn kólikterdiń 10 shaqty túrin qurastyrady.


Qaınaǵan qyzý tirliktiń ortasynda dánekerleý men syrlaý tsehynyń toby júredi. Zaýyt dırektory Syrym Semeıbaevtyń sózinshe, zaýyt alǵashqy ashylǵanda tek daıyn bólshekter qurastyrylatyn. Qazir ónimniń otandyq úlesi artqan.

«Óndiris aýqymy da eselep ósip keledi. Byltyr 25 myń kólik qurastyrsa, bıyl jeliden shyǵatyn kólik sanyn 50 myńǵa deıin jetkizý josparlanyp otyr. Óndiristiń artýy tikeleı suranysqa baılanysty», - dedi Syrym Semeıbaev.

Dáýlet Nysanbaev – dánekerleý tsehynyń brıgadıri. Qol astynda 10 jumysker bar.

«Biz ónimniń negizgi jumysyna jaýaptymyz. Avtomashınanyń kabınasyn qurastyryp, kelesi tsehqa daıyndaımyz. Olar boıap, shanaqtaryn iledi», - deıdi tseh brıgadıri.


Jalpy bir avtokólikti qurastyrýǵa bir-eki táýlik ýaqyt ketedi. Máselen, bir ǵana JAC markaly avtokólik usaq torap tásilimen óndiriledi. Bul tásildiń ózi ishinen birneshe bólikke jikteledi.

«Eń áýeli kýzov bóligin ólsheımiz. Keıin esigin tańdap, mólsherin esepteımiz. Munan soń daıyn bólshekterdi dánekerleý jumystary bastalady. Usaq-túıek jumys bolyp kóringenimen, asa jaýapkershilikpen qaraýdy talap etedi. Syrlap, boıaý jaqqan soń shanaqtaryn biriktirip, iri bólshekterin jalǵaımyz. Usaq torapty ádispen kólik quraý shamamen osylaı júredi. Bir táýlik ishinde 15-16 kóliktiń qorabyn daıyndaımyz», - dep túsindirdi Dáýlet Nysanbaev.


Tseh brıgadıriniń zaýytta júrgenine 6 jyl. Jumysyn dánekerleýshi maman bolyp bastaǵan. Kórsetkishteri elenip, tseh basshylyǵyna deıin kóterildi. Bastapqyda ózge de jergilikti mamandarmen birge Qytaıdaǵy zaýytqa baryp tájirıbe jınap qaıtqan. Dáýlet Nysanbaevtan Qytaı sapary týraly suradyq.

«Kásibimniń negizi Qostanaı oblysynda qalandy. Qalǵany tek tájirıbe jınaý ǵoı. Ol jaqta ózime kerektini úırendim. Biraq jergilikti zaýyttyń daıyndaý júıesi unaıdy. Jumysqa turǵan soń kásibińdi arttyryp, shyńdalýǵa múmkindik bolady. Áýeli teorııany úırenesiń, tájirıbelik jumystar birshama ýaqyttan soń beriledi. Ábden meńgerip alǵan soń kólik qurastyrýǵa kirisýge bolady. Qazir shetelden mamandar kelip, úıretip datyr ǵoı. Olar kóbine tehnologııa protsesine asa mán beredi», - dedi D.Nysanbaev jumysy týraly.

Sonymen, Qostanaı oblysyndaǵy avtozaýyttyń búgingi tynysy osy. Qazir qostanaılyqtar Ázerbaıjan, Reseı, Tájikstan, Ózbekstan elderiniń naryǵyna shyqqan. Memlekettik qoldaýdyń arqasynda búginde otandyq avtokólikterdiń eksporttyq áleýeti joǵary. Endigi meje – jyl sońyna deıin 50 myń avtokólik qurastyrý.



Bizdiń kanalymyzǵa jazylyńyz:

Basty sózder: Ónerkásip, Qostanaı oblysy, Kólik,
Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT