+7 (701) 759 90 19
USD 428.07 EUR 507.61
RUB 5.62 CNY 65.15
Jańalyqtar

Qostanaı oblysynda karantın talaptary kúsheıtildi

2020 jylǵy 19 qazan 19:11
Bólisińiz:
Qostanaı oblysynda karantın talaptary kúsheıtildi

QOSTANAI. QazAqparat – Qostanaı oblysy aýmaǵynda karantın sharalary kúsheıtiledi, dep habarlaıdy QazAqparat Taýarlar men kórsetiletin qyzmetterdiń sapasy men qaýipsizdigin baqylaý komıtetine silteme jasap.

Qostanaı oblysynyń bas memlekettik sanıtarlyq dárigeri V. Nechıtaılo qaýlysyna sáıkes 20 qazan saǵat 00:00-den bastap engiziletin karantındik sharalar tómendegideı:

1) oıyn-saýyq, sporttyq is-sharalardy, kórmelerdi, forýmdardy, konferentsııalardy, sondaı-aq otbasylyq, estelik is-sharalardy (banketter, úılený toılary, mereıtoılar, eske alý), onyń ishinde úıde jáne adamdar kóp jınalatyn ózge de is-sharalardy ótkizýge tyıym salynady. Sondaı-aq jappaı korporatıvtik jáne basqa da is-sharalardy ótkizý úshin jeke menshik úıler men qurylystardy jalǵa alýǵa tyıym salynady;

2) oıyn-saýyq mekemeleriniń (karaoke, bılıard, kalıan, kompıýterlik klýbtar, túngi klýbtar, boýlıng ortalyqtary, jabyq úı-jaılardaǵy balalardyń oıyn alańdary men attraktsıondary, batýttar jáne basqalar), kınoteatrlardyń (ashyq aýadaǵy kınoteatrlardy qospaǵanda), býkmekerlik keńselerdiń qyzmetine tyıym salynady;

3) fýdkort, banket zaldarynyń qyzmetine tyıym salynady;

4) ashyq aýadaǵy attraktsıondardyń, akvaparktardyń qyzmetine tyıym salynady;

Budan bólek, sanıtarııa erejeleri saqtala otyryp, birqatar nysannyń qyzmetine ruqsat berilip otyr:

1) belgilengen talaptardy saqtaı otyryp jáne ujymdyq is-sharalar ótkizbeı dinı obektilerdiń (meshitter, shirkeýler, soborlar, sınagogalar jáne t. b.) qyzmetine;

2) mádenıet obektileriniń (30 adamnan aspaıtyn jeke, toptyq daıyndyqtar), kitaphanalardyń, murajaılardyń qyzmetine;

3) oblysishilik avtobýs, shaǵyn avtobýs jolaýshylar tasymaldaryna;

4) qoǵamdyq kóliktiń qaýyrt saǵattarda jelige barynsha shyǵýymen, otyratyn oryndardyń sany boıynsha toltyrylýymen, sońǵy aıaldamada dezınfektsııalyq quraldarmen mindetti túrde óńdelýimen, barlyq esikterdi ashýmen, jolaýshylardy qoǵamdyq kólikke qorǵanysh maskalarynsyz jibermeýmen qalalyq qoǵamdyq kóliktiń jumysyna;

5) kúsheıtilgen sanıtarııalyq-dezınfektsııalyq rejımdi saqtaı otyryp, tolymdyǵy 30% aspaıtyndaı, 1 kelýshige keminde 4 sharshy metrden keletindeı saýda jáne saýda, oıyn-saýyq ortalyqtarynyń, keshenderdiń, saýda úıleriniń, saýda jelileriniń, azyq-túlik emes jáne jabyq azyq-túlik bazarlarynyń qyzmetine;

6) SPA-ortalyqtar, sulýlyq salondary, kosmetıkalyq jáne kosmetologııalyq qyzmetter kórsetetin ortalyqtar men salondar, manıkıýr jáne pedıkıýr qyzmetteri, massaj salondary, solıarııler qyzmetine (aldyn ala jazylý boıynsha 1 kelýshige 4 sh. m. esebinen).

Budan bólek, kommýnıkatsııalar jelisine jáne tehnıkalyq qurylǵylarǵa qoldaý kórsetetin qyzmetkerler úshin karantındik aımaqta júrip-turýǵa ruqsat beriledi.

Málim etilgendeı, óńirde shekteý sharalary kezeń-kezeńimen jeńildetiledi.

Qaýlynyń oryndalýyna aýdandar men qalalar ákimderi, ortalyq memlekettik organdardyń aýmaqtyq bólimsheleri, quqyq qorǵaý jáne arnaıy organdar, kásipkerlik sýbektileri jaýapty.



Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT