Qostanaı oblysynda blokposttardyń jumysy jalǵasa beredi – polıtsııa

QOSTANAI. QazAqparat – Qostanaı oblysynda Tótenshe jaǵdaılar kezinde qurylǵan blokposttardyń jumysy jalǵasa beredi. Bul týraly polıtsııa departamentinde ótken onlaın-brıfıngte aıtyldy, dep habarlaıdy QazAqparat tilshisi.

Memlekettik bas sanıtarlyq dárigerdiń qaýlysyna sáıkes, óńirde karantın sharalary jeńildeı bastaıdy. Alaıda shekaradaǵy 9 blokpost pen Jitiqara qalasyndaǵy 2 blokposttyń jumys jalǵasady. Ruqsat berý qujatynsyz eldi mekenderdiń kirip-shyǵýǵa tyıym salynady.

«Aımaqtaǵy 11 blokpost burynǵysha jumys isteı beredi. Karantın rejımi bastalǵannan beri oblysta 26 blokpost ornatylǵan bolatyn. Tosqaýyl beketterinde 138 polıtsııa qyzmetkeri, 64 medbıke, 11 veterınar jáne 6 jergilikti atqarýshy bılik ókilderi kezekshilik atqarady. Sondaı-aq azamattardyń qujattary, densaýlyq jaǵdaıy, karantın sharalarynyń saqtalýy tekseriledi. Degenmen, tıisti ruqsat qaǵazdary bar azamattar emdelýge nemese jerleý rásimderine qatysatyndar óte alady. Turǵyndardy bas sanıtarlyq dárigerdiń qaýlysyn buzbaýǵa shaqyramyn. Resmı derekterge ǵana júginińizder. Úıden 22.00-den 6.00-ge deıin ereksheasa bir qajettilik bolmasa shyǵýǵa tyıym salynǵanyn este saqtaǵan jón», - dedi Qostanaı oblysy PD Jergilikti polıtsııa qyzmeti basqarmasynyń bastyǵy Qurmet Májikenov.

Aıta keteıik, áleýmettik jelide oblystyń blokposttary ashylǵany týraly habar taraǵan bolatyn. Resmı aqparat tek polıtsııanyń resmı paraqshalarynda, oblystyń jedel shtabynyń chatynda, BAQ-ta jarııalanady. Oblystyq polıtsııa departamentiniń baspasóz qyzmeti taratqan habarlamaǵa sáıkes, qazir myna blokposttarda jumys qalypty rejımde ótýde:

– «Qaıraq» jáne «Obaǵan»;

– Qostanaı-Mamlıýtka jolynyń 245 shaqyrymy; (Uzynkól aýdany Troebratskoe kenti)

– Ekaterınbýrg-Almaty avtojolynyń 722 shaqyrymy; (Sarykól aýdanynyń Sevastopol aýyly)

– Qostanaı-Surǵan jolynyń 232 shaqyrymy; (Aqmola oblysymen shekarada)

– Jezqazǵan-Petropavl jolynyń 372 shaqyrymy;

– Torǵaı avtojoly, Aqtóbe oblysynyń shekarasynan 85 shaqyrym; - Qostanaı-Qarabutaq jolynyń 239 shaqyrymy (Qamysty aýdany, Jaıylma kenti);