Qostanaı oblysynda arnaıy reıd kezinde 4 mln teńgege jýyq kólik salyǵy óndirildi
2022 jylǵy 28 mamyr 03:06

Qostanaı oblysynda arnaıy reıd kezinde 4 mln teńgege jýyq kólik salyǵy óndirildi

QOSTANAI. QazAqparat – Qostanaı oblysynda arnaıy júrgizilgen reıd barysynda 4 mln teńgege jýyq kólik salyǵy óndirilip, 2 kólik turaqqa qoıyldy, dep habarlaıdy QazAqparat Qostanaı oblysy boıynsha Memlekettik kirister departamentiniń baspasóz qyzmetine silteme jasap.

Baspasóz qyzmetiniń habarlaýynsha, kólik salyǵy boıynsha jeke tulǵalardyń salyq bereshegin óndirip alýǵa baǵyttalǵan reıd yntymaqtastyq týraly memorandým jasasqan organdarmen júrgiziledi.

«23-27 mamyr aralyǵynda Qostanaı oblysy boıynsha Memlekettik kirister organdary Ádilet, Polıtsııa departamentteriniń jáne jeke sot oryndaýshylarynyń ókilderimen birlesip, 23 boryshkerden 3,8 mln. teńge bereshek óndirip alyndy, eki kólik ustalyp, arnaıy turaqqa jetkizildi.

Boryshkerlerdiń kólik quraldaryn anyqtaý úshin «Avtoýragan» jáne «EkinPatrolG2» júıelerine kólik quraldarynyń tirkeý nómirlik belgileri engizildi. Reıdtik is-sharalar jalǵasýda»,-delingen habarlamada.


Jańalyqtar

MURAǴAT