Qostanaı oblysynda alıment tóleýden qashyp júrgen eki adam qamaýǵa alyndy

NUR-SULTAN. QazAqparat – Balalaryna birneshe jyldan beri alıment tólemegen eki azamattyń árqaısynyń 2 mıllıon teńgeden astam qaryzy bar. Bul týraly QazAqparat Qostanaı oblystyq jeke sot oryndaýshylary aımaqtyq palatasynyń baspasóz qyzmetine silteme jasap habarlaıdy.

Uqsas jańalyqtar

Nur-Sultanda alıment tólemeı júrgen boryshkerdiń djıpi tárkilendi

Qarjy mınıstrligi alımentke salyq salynatyndyǵy týraly aqparatty joqqa shyǵardy

Jyl basynan beri jeke sot oryndaýshylarynyń alıment tóletý jáne boryshkerlermen jumys júrgizý isi jandandy. Qostanaı oblysynda da mundaı jaǵdaılar az emes.

QR Ákimshilik quqyq buzý kodeksiniń 669-babynyń 1-bólimi alıment tóleýden jaltarǵany úshin ákimshilik qamaýǵa alýdy qarastyrady.

Osylaısha, Qostanaı oblysynyń mamandandyrylǵan ákimshilik soty alıment tólemegeni úshin 2 mıllıon teńgeden astam bereshegi bar yqylassyz eki ákeni ákimshilik jazaǵa tartty.

«Bul boryshkerlerdiń árqaısy qaryz ótemegeni úshin eki táýlikke qamaýǵa alyndy», - dedi Qostanaı oblystyq JSO aımaqtyq palatasynyń basshysy Nesibeli Básenova.

Jyl basynan beri Qostanaı oblysynda balalaryna alıment tóleýden jaltarǵan alty adam qamaýǵa alynǵan.

Tek Qostanaı oblysynda ǵana azamattardyń balalaryna 93 mıllıon teńgege jýyq qaryzy boıynsha 14 447 alımenttik is bar.