+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Qostanaı oblysynda áleýmettik azyq-túlik baǵasy qymbattady

2020 jylǵy 17 qarasha 20:35
Bólisińiz:
Qostanaı oblysynda áleýmettik azyq-túlik baǵasy qymbattady

QOSTANAI.QazAqparat – Qostanaı oblysynda birqatar áleýmettik azyq-túlik baǵasy qymbattady. Dúken sórelerindegi baǵany turaqtandyrý úshin «Tobyl» áleýmettik-kásipkerlik korporatsııasy keshendi sharalar qabyldady, dep habarlaıdy QazAqparat tilshisi.

Óńirlik kommýnıkatsııalar alańynda ótken brıfıngte «Tobyl» áleýmettik-kásipkerlik korporatsııasy azyq-túlik baǵasynyń qymbattaýyna qatysty málimdeme jasady. Qazir baǵany turaqtandyrý boıynsha birqatar keshendi sharalar júrgizilip jatyr.

«Birinshi surypty bıdaı nanynyń baǵasyn turaqtandyrý maqsatynda 2020 jyldyń 4 qarashasynda «Vadısa M» JShS-men shart jasaldy. Seriktestik 5000 tonna kóleminde birinshi surypty bıdaı unyn jetkizedi. Oǵan 600 mln teńge baǵyttalady. Bıdaı uny nan pisirý úshin naýbaıhanalyq kásiporyndarǵa beriledi, bul rette satý baǵasy bir bólke nan úshin 83 teńgeden jáne dúken sórelerinde 87 teńgeden aspaýy tıis», - deıdi «Tobyl» ÁKK basqarma tóraǵasynyń orynbasary Baıbosyn Mýrzın.

Qazir oblys ortalyǵyndaǵy dúkenderde jumyrtqanyń 10 danasy 350-380 teńgege satylýda. Alaıda dúken ıeleri baǵanyń qymbattaýyn jetkizýshilerge tólenetin qarjy jáne qosymsha shyǵyndardyń kóbeıýimen baılanystyrady.

«Osy jyly memlekettik satyp alý sharty boıynsha «Jas-Qanat 2006» JShS-nen 8 mln dana jumyrtqa satyp alyndy. Jumyrtqanyń bir danasyna 24,5 teńge tólendi. Sol sebepti dúkender jumyrtqanyń 10 danasyn 270 teńgege satýlary tıis», - deıdi Baıbosyn Mýrzın.

Suıyq maı baǵasyna qatysty másele kún tártibinen túsken joq. Osy jyldyń sáýir aıynda «Tobyl» ÁKK «Prombaza-7» JShS-nen 43,3 mln.teńge somasyna 114000 lıtr kúnbaǵys maıyn satyp alǵan.

«Qazan aıynda kúnbaǵys maıynyń baǵasy kúrt ósti. Sol kezde 60 000 lıtr maı qosymsha satyp alyndy. Buǵan qosa 23,2 mln teńgege 50 tonna kóleminde kúnbaǵys maıyn satyp alý boıynsha konkýrstyq rásimder júrgizilýde. Apta saıyn «RAUZET Saýda» JShS saýda jelisinde baǵa monıtorıngi júrgiziledi, basqa sýpermarketterge qaraǵanda onda baǵa 15-20% tómen», - dep atap ótti sarapshy.

Sonymen, «Tobyl» áleýmettik-kásipkerlik korporatsııasynyń málimetinshe jumyrtqa baǵasynyń 10 danasy 264 teńgeden, qaraqumyq jarmasynyń kelisi 255 teńgeden aspaıdy.

Suıyq maıdyń shekti baǵasy lıtrine 388 teńge bolsa, nannyń bir bólkesi 82 teńgeden satylýy kerek.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT