+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

Qostanaı oblysynda aqbóken tóldeıtin aýmaqtar baqylaýǵa alyndy

2020 jylǵy 31 mamyr 21:07
Bólisińiz:
Qostanaı oblysynda aqbóken tóldeıtin aýmaqtar baqylaýǵa alyndy

QOSTANAI. QazAqparat – Qostanaı oblysynyń tabıǵat qorǵaý polıtsııasynyń qyzmetkerleri óńirdiń ońtústik aımaqtarynda aqbóken popýlıatsııasyn qorǵaý boıynsha reıd sharalaryn júrgizýde, dep habarlaıd QazAqparat oblystyq polıtsııa departamenti baspasóz qyzmetine silteme jasap.

Polıtsııaǵa Amangeldi jáne Jangeldın aýdandarynyń qoryq qyzmetkerleri kómektesýde. Reıd barysynda mobıldik toptar Qostanaı oblysy men Qaraǵandy jáne Aqtóbe oblystary shekarasyndaǵy aqbóken mekendeıtin 4 myń kılometrden astam aýmaqty súzip shyqty.

«Bul aýmaqtar negizinen aqbókenniń Betpaqdala popýlıatsııasynyń tirshilik etý ortasy sanalady. Kıik kóbine Jangeldın aýdany perımetrinde tóldeıdi. Karantınge baılanysty bıyl oblysta kóktemgi ań aýlaý maýsymynyń ashylýy áli jarııalanǵan joq. Sondyqtan kıeli janýarlardy dál osy kezeńde brakonerlerden qorǵaýdy kúsheıtip otyrmyz. Áriptesterimiz taıaýda ǵana aqbóken múıizin ınternet arqyly satqan qylmyskerlerdi quryqtady», - dedi Tabıǵat qorǵaý polıtsııasy bóliminiń bastyǵy Talǵat Ahmetov.

Talǵat Ahmetovtiń aıtýynsha, polıtseılerdiń tynymsyz eńbeginiń arqasynda oblysta sońǵy ýaqytta tabıǵatqa qastandyq jasaý qylmysy birshama báseńdegen. Jyl basynan beri tabıǵat qorǵaýǵa qatysty 246 zań buzýshylyq tirkelip, 2 mln teńgege jýyq aıyppul salynǵan.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT