Qostanaı oblysynda 8 sút-taýar fermasy salynady
2022 jylǵy 22 maýsym 15:35

Qostanaı oblysynda 8 sút-taýar fermasy salynady

NUR-SULTAN. QazAqparat – Qostanaı oblysynda 8 sút-taýar fermasy salynady. Bul týraly Qostanaı oblysynyń ákimi Arhımed Muhambetov aıtty, dep habarlaıdy QazAqparat tilshisi.

«Qazirgi ýaqytta AÓK salasynda sút baǵytyndaǵy mal sharýashylyǵyn odan ári damytý úshin ınvestıtsııalyq jobalardy 2 baǵyt boıynsha júzege asyrý josparlanyp otyr. Olardyń biri - 8 sút-taýar fermasyn salý, onyń 7-eýi syıymdylyǵy 1 200 bas iri qara malǵa arnalǵan. Jyldyq qýaty 15,2 myń tonna sút óndirý. Taǵy bir iri taýarly-sút fermasynyń syıymdylyǵy 3 000 bas iri qara maly, qýattylyǵy jylyna 42,6 myń tonna sút. Ekinshi joba - qýaty jylyna 200 myń tonna maı ekstraktsııalyq zaýytyn jáne qýaty jylyna 30 myń tonna qurama jem zaýytyn salý», - dedi óńir ákimi Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, búginde óńir dıqanshylary egis naýqanyn aıaqtady.

«Jazdyq egis 4,8 mln gektardy qurady. Onyń ishinde 3,9 mln gektar dándi jáne dándi-burshaq, 3,5 mln gektar bıdaı egildi. Maıly daqyldar egisi 679,5 myń gektar boldy.

Oblys basshysynyń dereginshe, óńir turǵyndarynyń áleýmettik mańyzy bar azyq-túlikke qajettiligin qamtamasyz etý úshin jarma daqyldary, kartop jáne kókónis alqaptary ulǵaıtyldy. Bıyl 173,3 myń gektarǵa egilgen azyqtyq daqyldardan basqa, ótken jyldardyń 364 myń gektar kópjyldyq shóbi bar.


Uqsas jańalyqtar

Jańalyqtar

Úrdis

MURAǴAT