+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qostanaı oblysynda 517 shaqyrym jol jóndeledi

2020 jylǵy 27 maýsym 20:59
Bólisińiz:
Qostanaı oblysynda 517 shaqyrym jol jóndeledi

QOSTANAI.QazAqparat – 2020 jyly Qostanaı oblysynyń avtojoldaryn qalypqa keltirýge 44,9 mlrd teńge jumsalady, dep habarlaıdy QazAqparat oblys ákiminiń baspasóz qyzmetine silteme jasap.

Uqsas jańalyqtar
Altaı Kólginov uzaqqa sozylǵan qurylys qarqynyn arttyrýdy tapsyrdy Petropavlda shańǵy bazasynyń aýmaǵyn qalpyna keltirýge 70 mln teńge jumsaldy Kókshetaýdyń aınalma jolyn ortasha jóndeý jumystary aıaqtaldy

QR Premer-Mınıstri Asqar Mamınniń tóraǵalyǵymen ótken QR Úkimetiniń selektorlyq otyrysynda 2015-2019 jyldarǵa arnalǵan «Nurly jol» ınfraqurylymdyq damý memlekettik baǵdarlamasyn iske asyrý barysy jáne 2020-2025 jyldarǵa arnalǵan jobasy qaralǵan bolatyn . Baǵdarlamany iske asyrýdyń alǵashqy jyly respýblıkalyq jáne jergilikti mańyzy bar 9,5 myń shaqyrym avtojol jóndeý jumystarymen qamtylamaq. Onyń ishinde respýblıkalyq joldardyń 4 myń shaqyrymynda qurylys jáne qaıta jańartý jumystary júrgiziledi, 1,5 myń shaqyrymy tolyq jóndelse, 4 myń shaqyrym jergilikti mańyzdaǵy jol retke keledi. Al Qostanaı oblysynda «Nurly jol» memlekettik baǵdarlamasy aıasynda 515 shaqyrym tas jol jóndeýden ótedi.

Oblystyq jolaýshylar kóligi jáne avtomobıl joldary basqarmasynyń basshysy Oljas Nurǵalıevtyń aıtýynsha, osy jyly jol ınfraqurylymy sheńberinde 281 joba júzege asyrylady. Onyń ishinde «Nurly jol» baǵdarlamasy boıynsha – 18,5 mlrd teńge, «Jumyspen qamtýdyń jol kartasy» aıasynda – 20,3 mlrd teńge, «Aýyl-El besigi» arnaıy jobasy men jergilikti bıýdjetten 6,1 mlrd teńge qarastyrylǵan.

«Barlyǵy 517 shaqyrym jol jóndeledi. Buǵan 44,9 mlrd teńge jumsalady. Jol jóndeý nysandaryn jaýapkershiligine alatyn merdiger uıymdar anyqtaldy. Qazir 105 nysan boıynsha qurylys-montaj jumystary bastaldy. Baǵdarlama aıasynda 4982 adam jumysqa ornalastyryldy, onyń ishinde jumyspen qamtý ortalyqtary arqyly 2491 adam alyndy. Jóndeý jumystaryn ýaqytyly jáne sapaly júrgizý úshin qala jáne aýdan ákimderi merdigerlik uıymdarmen birlesip jumys júrgizýdiń kúntizbelik kestelerin ázirledi», - deıdi basqarma basshysy.

Óńirde kópten beri turalap qalǵan «Qarabutaq-Qostanaı» tas jolyn jóndeý jobasy jandanady. Merdiger uıymdar Rýdnyı qalasynan Denısov aýylyna deıin jol-qurylys jumystaryn júrgizýdi josparlaýda. Joldyń jalpy qashyqtyǵy – 114 shaqyrym. Qazir atalǵan ýchaskede jumys qyzý júrip jatyr. Jer tóseminiń qurylymy, jol qabatynyń sapaly tóselýi oblys ákiminiń baqylaýynda bolmaq.

Joba aıasynda sý ótkizý qubyrlary, jol aıyryǵy, qyzmet kórsetetin pavılondary bar demalys alańdary qarastyrylǵan. Bıyl joldyń Tobyl stantsııasy men Rýdnyı qalasy aralyǵyndaǵy ýchaskelerde tıisti jumystar bastaldy. Jol ýchaskeleriniń jalpy uzyndyǵy 49 shaqyrymǵa teń. Nysan 2022 jyly paıdalanýǵa beriledi.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT