Qostanaı oblysynda 500 shaqyrymnan astam avtojol jóndeledi
2022 jylǵy 22 maýsym 16:00

Qostanaı oblysynda 500 shaqyrymnan astam avtojol jóndeledi

NUR-SULTAN. QazAqparat – Bıyl Qostanaı oblysynda 500 shaqyrymnan astam avtojol jóndeledi. Bul týraly Qostanaı oblysynyń ákimi Arhımed Muhambetov aıtty, dep habarlaıdy QazAqparat tilshisi.

«Kólik logıstıkasyna qatysty aıtar bolsam, bıyl 500 shaqyrymnan astam avtojol men eldi mekenderdiń 220 kóshesi jóndeledi. Qazir jaqsy jáne qanaǵattanarlyq jaǵdaıdaǵy oblystyq jáne aýdandyq mańyzy bar avtomobıl joldarynyń úlesi 78 paıyzdy qurap otyr. Osy jyldyń qorytyndysy boıynsha atalǵan úlesti 85 paıyzǵa deıin jetkizý josparlanǵan», - dedi óńir ákimi Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, «Qarapaıym zattar ekonomıkasy» baǵdarlamasy júzege asyryla bastaǵan sátten beri óńirde jalpy quny 64,9 mlrd teńgeni quraıtyn 317 joba qoldaýǵa ıe boldy. Olardyń basym bóligi agroó n erkásip kesheni ónimderin óńdeýge jáne qaıta óńdeýge baǵyttalǵan jobalar boldy.

«Mashına jasaý, metallýrgııa ónimderi, metall emes ónimder jáne tamaq ónimderi óndirisiniń ulǵaıýy esebinen óńdeý ónerkásibi 13,8 paıyzǵa óskenin kórsetedi. Óńirdiń erekshelikterin eskere otyryp, taıaý bolashaqta ósim qory retinde 1,8 trln teńgege 52 jobadan turatyn pýl quryldy. Bul jobalar oblys ekonomıkasyn odan ary ındýstrııalandyrýǵa septigin tıgizetin 8 myń jumys ornyn ashýǵa da múmkindik beredi. Óńirdiń ekonomıkalyq ósim draıveri sanalatyn mashına jasaý salasyna jeke toqtalǵym keledi. Avtomobıl jasaýdyń arqasynda ónerkásiptiń jalpy kólemindegi óńdeý sektorynyń úlesi 55,6 paıyzǵa jetti», - dedi Arhımed Muhambetov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT