+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Qostanaı oblysynda 5 500 avtokólik eksportqa shyǵarylǵan

2020 jylǵy 22 qazan 05:24
Bólisińiz:
Qostanaı oblysynda 5 500 avtokólik eksportqa shyǵarylǵan

QOSTANAI. QazAqparat – Elde engizilgen tótenshe jaǵdaı rejımine qaramastan, Qostanaı oblysy ótken toǵyz aıdy oń makroekonomıkalyq kórsetkishtermen aıaqtady, dep habarlaıdy QazAqparat oblys ákiminiń baspasóz qyzmetine silteme jasap.

Jyl basynan beri Qostanaı oblysynyń negizgi kapıtalyna 234 mlrd teńge ınvestıtsııa tartylǵan. Bıyl et pen sút óndirisiniń kólemi edáýir artqan. Ósimdik maıynyń ekporty 3,2 ese, un eksporty 11 paıyzǵa ósti.

Syrtqy naryqqa shyqqan óndiris taýarlarynyń aýqymdy bóligi kólik qurastyrý salasynyń enshisinde. Jergilikti mashına jasaý zaýyty eksport kólemin eselep, 5500-ge jýyq avtokólikti eksportqa ótkizgen. Avtozaýyt pandemııa kezindegi qıyndyqtarǵa qaramastan 879 avtobýsty qatarǵa qoıǵan. Bul kórsetkish byltyrǵy deńgeıden 2 ese kóp.

Oblystyq Ekonomıka jáne bıýdjetti josparlaý basqarmasynyń basshysy Gúlbaram Musaǵazınanyń aıtýynsha, aımaq ekonomıkasyn órkendetý kórsetkishteri boıynsha barlyq aýdan-qalalardyń úlesi birdeı emes. Keıbir óńirler óndiris kórsetkishin tómendetip alǵan.

Al joǵary nátıje aýyl sharýashylyǵy, ónerkásip óndirisinde baıqalyp otyr. Qurylys qarqyny da joǵary.

«Óńirde 1,1 trln teńgeniń ónerkásip ónimi shyǵaryldy. Onyń ishinde 609 mlrd teńge óńdeýshi sektorǵa tıesili. Bul salada ósim 19,3% qurap otyr. Aýyl sharýashylyǵy salasynda 3,3 mlrd teńgeniń ónimi óndirildi. Bıyl 4 mln tonna astyq qambaǵa quıylsa, onyń 3,5 mln tonnasy bıdaıdyń úlesinde. Gektar túsimi ortasha eseppen 10 tsentnerdi qurady. 190 myń tonna maıly daqyl jınaldy. Bıýdjet kirisi de molaıyp, 144 mlrd teńgeden asty. Jalpy, jyldyq jospar oryndaldy», - dep málim etti basqarma basshysy.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT