+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

Qostanaı oblysynda 4 mln gektarǵa jýyq alqap oryldy

2020 jylǵy 21 qyrkúıek 11:54
Bólisińiz:
Qostanaı oblysynda 4 mln gektarǵa jýyq alqap oryldy

QOSTANAI.QazAqparat – Qostanaı oblysynda astyq jınaý maýsymy aıaqtalýǵa jaqyn. Bul týraly oblystyq aýyl sharýashlyǵy basqarmasy málim etti, dep habarlaıdy QazAqparat tilshisi.

Qostanaı oblysynyń dıqandary qambaǵa 4 mln tonnadan astam astyq quıýdy josparlap otyr. Aýyl sharýashylyǵy basqarmasynyń málimetinshe, óńirde búginge deıin 3 mln 700 myń gektarǵa jýyq alqap orylǵan. Ázirge bıdaı túsimi orta eseppen gektaryna 10 tsentnerden kelýde. Jekeleı alǵanda Jangeldın, Meńdiqara jáne Qostanaı aýdandarynyń kórsetkishteri joǵary. Bul aýdandarda oraq naýqany aıaqtaldy.

«Sharýalardyń jumysyna tolassyz jaýǵan jańbyr aıtarlyqtaı áser etip, astyq jınaýdyń merzimin kesheýildetti. Osy jyly aımaqty 4,1 mln gektar alqapqa dándi daqyl egildi. Onyń 84,8%-i – bıdaı, al 640,5 myń gektar jerge maıly daqyldar sińirilgen. Astyq alqaptarynyń shyǵymdylyǵy ortasha eseppen ár gektarǵa bir tonnadan aınalady. Bul turǵyda Sarykól aýdanynyń dıqandary kósh bastap tur, onda astyqtyń ortasha ónimdiligi 13 ts/ga-ǵa jetti, olardan Uzynkól (12,5 ts/ga) jáne Fedorov (12,4 ts/ga) aýdandary birshama tómen. Bıyl Qostanaı oblysy daqyldardy ártarap tandyrý boıynsha joǵarǵy kórsetkishke qol jetkizip otyr. Oblystaǵy maıly daqyl kólemi ótken jylǵydan 130,4 myń gektarǵa artyq. Alqaptardy ártaraptandyrý sheńberinde óńirde sońǵy 4 jyl ishinde maıly daqyldar alqaby 289,1 myń gektarǵa ulǵaıǵan. Búginde oblystyń egin alqaptarynda 9 myńnan astam kombaın tolassyz jumys istep jatyr», delingen basqarma aqparatynda.

Qostanaı astyǵynyń negizgi qoryn soltústik aýdandar beredi. Bul óńirdegi iri sharýashylyqtardyń biri – «Qarqyn» agrofırmasy. Seriktestik basshysy Erlan Buqanovtyń sózinshe, búginge deıin sharýashylyq astyqtyń jartysynan kóbin jınap alǵan.

«Shildede bastalǵan aptap ystyqtan astyq tez jetilgenin baıqaýǵa bolady. Sondyqtan oblysta oraq naýqany jyldaǵydan erte bastaldy. Bastapqyda naýqanǵa qarqyndy kirisken edik, biraq, bir apta boıy jaýǵan jańbyr kedergi bolyp, tehnıka toqtap qaldy. Degenmen qazir biraz jumysty eńserdik», - deıdi ol.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Kanat Tokabaev
Kanat Tokabaev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT