+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Qostanaı oblysynda 29 aýylǵa sapaly aýyz sý jelisi tartylady

2020 jylǵy 29 shilde 22:19
Bólisińiz:
Qostanaı oblysynda 29 aýylǵa sapaly aýyz sý jelisi tartylady

QOSTANAI.QazAqparat – Qostanaı oblysynyń ákimi Arhımed Muhambetovtiń qatysýymen ótken selektor jıynynda halyqty aýyz sýmen qamtýǵa baǵyttalǵan jumystar talqylandy, dep habarlaıdy QazAqparat oblys ákiminiń baspasóz qyzmetine silteme jasap.

Uqsas jańalyqtar
Qyzylordada qalalyq densaýlyq jáne demalys saıabaǵy ashyldy SQO-da tsıfrlyq aqparatty saqtaıtyn zamanaýı Data-ortalyq salynyp jatyr Senator aýyldardaǵy memqyzmetshilerdiń sanyn qysqartpaýǵa shaqyrdy

Sońǵy jyldary aýyldyq jerlerge sý qubyrlaryn tartý jumystary qolǵa alyndy. Energetıka jáne turǵyn úı-kommýnaldyq sharýashylyǵy basqarmasynyń basshysy Dáýren Asqarovtyń málimetinshe, bıyl osy baǵytta 57 ınfraqurylymdyq joba halyqtyń ıgiligine tapsyrylmaq. Oǵan «Jumyspen qamtýdyń jol kartasy» jáne «Nurly jer» baǵdarlamasy boıynsha 15 mlrd teńgeden artyq aqsha bólingen. Búgingi kúni qarajattyń 5 mlrd teńgesi ıgerildi.

«Bıyl 31 nysannyń jóndeý jumysy aıaqtalýy tıis. Nátıjesinde, jalpy sany 31 myń turǵyny bar 29 aýyl sapaly aýyz sýmen qamtylady. Sondaı-aq, tórt qalada tozyǵy jetken sý tartý jelileri men qubyr júıeleri jóndeledi. Qalǵan 26 joba keıingi jyldarǵa qalady. Bizdiń esebimizge sáıkes ortalyqtandyrylǵan sýmen qamtý júıesine qosylǵan aýyldar sany 61,7%-ǵa teń. 2020 jyldyń aıaǵyna deıin bul kórsetkish jaqsara túsedi. Aýyldarda sý jabdyqtaryn salý jóninen jobalyq - smetalyq qujattar ázirlenip jatyr», - dedi D. Asqarov.

«Nurly jer» baǵdarlamasy aıasynda Altynsarın aýdanynda 3,1 mlrd teńgege 4 joba iske asyrylýda. Bıyl aıaqtalyp, 5 aýyl, 3,3 myń adam ortalyqtandyrylǵan sýmen qamtý júıesiniń ıgiligin kórmek. Al Amangeldi, Naýyrzym, B.Maılın, Uzynkól aýdandarynda - 1, Áýlıekól, Denısov, Jitiqara aýdandary men Arqalyq qalasynda - 2, Qarabalyq, Qarasý, Qostanaı, Sarykól aýdandarynda - 3, Jangeldın aýdany men Lısakov qalasynda - 4, Meńdiqara aýdany men Rýdnyı qalasynda - 2, Fedorovta - 5, oblys ortalyǵynda 11 joba iske asyrylýda.

Sýmen qamtý júıesin jetildirip, aýyz sý sapasy barlyq belgilengen normalarǵa jaýap berýi kerek. Qurylys jumystary tıisti merzimnen keshiktirilmeı aıaqtalýǵa tıis. Arhımed Muhambetov jaýapty basshylarǵa osyny basa aıtty.


Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT