+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Qostanaı oblysynda 154 myń jumysshynyń jalaqysy ósti

2019 jylǵy 14 aqpan 17:44
Bólisińiz:
Qostanaı oblysynda 154 myń jumysshynyń jalaqysy ósti

QOSTANAI. QazAqparat - Búgin «Nur Otan» partııasy Qostanaı oblystyq fılıalynyń kezekten tys konferentsııasy ótti, dep habarlaıdy QazAqparat.

Oblys ákimi Arhımed Muhambetovtiń tóraǵalyǵymen ótken konferentsııa jumysyna oblystyń aýmaqtyq partııa fılıaldarynan saılanǵan 209 delegat qatysty.

«Bıyl 27 aqpanda Astana qalasynda Elbasy Nursultan Nazarbaevtyń qatysýymen «Nur Otan» partııasynyń 20 jyldyǵyna arnalǵan sezd ótedi. Qostanaıdaǵy basqosýdyń basty maqsaty - osy aýqymdy is-sharaǵa oraı óńir damýy men halyqtyń ál-aýqatyn jaqsartý baǵytynda partııa fılıaly atqarǵan mindetterdi ekshep, taldap, tarazylaı otyryp, 2019 jylǵa belgilengen mejeni pysyqtap, aıqyndap alý. 1 naýryzda partııaǵa 20 jyl tolady. Bul - barsha qazaqstandyqtar úshin asa mańyzdy tarıhı oqıǵa. Eldiń damý kezeńderindegi kúrdeli ekonomıkalyq jáne áleýmettik-saıası jaǵdaılarda partııa óziniń basty maqsaty retinde halyqtyń ál-aýqatyn arttyrýdy maqsat tutty jáne ony buljytpaı oryndap keledi», - dedi Arhımed Muhambetov.

Jıyn barysynda oblys ákiminiń orynbasary Erlan Spanov partııa tarapynan jasalyp jatqan irgeli isterge toqtaldy. Onyń aıtýynsha, Elbasy bastamasymen qolǵa alynǵan áleýmettik baǵdarlamalar óńirde tolyqqandy júzege asyp keledi.

«Bıyl 1 qańtardan bastap oblysta 154 myń adamnyń jalaqysy ósken. Sondaı-aq, salyq júktememesin jeńildetý maqsatynda jalaqysy tómen 51,1 myń adamnyń aılyǵyna arnaıy ústeme aqy qosylǵan. Bul maqsatqa oblys bıýdjetinen 1,6 mlrd teńge qarastyrylǵan. Munyń syrtynda jergilikti kásipkerlerdiń bastamasymen óńirde qańtar aıynan bastap 40 myń jumysshynyń jalaqysy eselenip otyr», - dedi ákim orynbasary.

Arhımed Muhambetov Qostanaı oblysynyń 140 jyldyǵyn atap ótý úshin kásipkerlerdi birigýge shaqyrdy.

«Mereıtoı qarsańynda biz oblys ortalyǵyn abattandyrýǵa kúsh jumyldyrýymyz kerek. Osy maqsatta naýryz aıynda oblys kásipkerlerimen arnaıy kezdesip, olardy óz múmkindikterine qaraı, Qostanaı qalasyn kórkeıtýge úles qosýǵa úndeımiz», - dedi ol.

Jıyn sońynda aldaǵy ýaqytta Elordada ótetin partııa sezine qatysatyn delegattar saılandy. Sondaı-aq, óńir damýy men áleýmettik jobalardyń júzege asýyna muryndyq bolyp júrgen partııa belsendileri marapattaldy.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT