+7 (701) 759 90 19
USD 375.91 EUR 416.85
RUB 6.10 CNY 54.77
Jańalyqtar

Qostanaı oblysy jataqhana máselesin qalaı sheshpek

2019 jylǵy 9 jeltoqsan 16:17
Bólisińiz:
Qostanaı oblysy jataqhana máselesin qalaı sheshpek

QOSTANAI. QazAqparat – Qostanaı oblysynyń ákimdiginde ótken jıynda «Jastar jylyndaǵy» atqarylǵan ister talqylandy, dep habarlaıdyv QazAqparat.

Uqsas jańalyqtar
Shymkentte jańadan salynǵan stýdentter jataqhanasy paıdalanýǵa berildi Shymkentte 29 myńǵa tarta jas kásiptik bilim alýda Aqsýda 200 oryndyq jataqhana paıdalanýǵa berildi

Oblystyq jastar saıasaty máseleleri jónindegi basqarmanyń mindetin atqarýshy Saıat Shaımurynovtyń aıtýynsha, jyl basynda Jastar jylynyń aımaqtyq Jol kartasy bekitildi. Soǵan baılanysty óńirdiń jastar saıasatyn qarjylandyrý 40%-ǵa ulǵaıdy.

«Jastar jylynyń mańyzdy bastamasy Memleket basshysynyń qatysýymen ótken Qazaqstan-Reseı jastarynyń forýmy boldy. Oǵan eki eldiń oblystarynan 1000-nan astam jas qatysýshy keldi. Delegatsııa ókilderi eriktiler salasyndaǵy ózara túsinistik pen yntymaqtastyqty damytý týraly memorandýmǵa qol qoıdy. Jastarǵa qyzmet kórsetý ortalyǵy jumysyn bastady, bul jas azamattarǵa jobalaryn iske asyrýǵa múmkindik berdi. Jyl basynan beri 237 myńnan astam adamdy qamtıtyn 2 042 is-shara ótkizildi», - dedi S.Shaımurynov.

Óńirde 21 myńnan astam jas 8 joǵary oqý ornynda bilim alady. Osyǵan baılanysty 4 myńnan astam stýdenttiń jataqhanaǵa muqtajdyǵy baıqalady.

«Osy máseleni sheshý úshin «Prezıdenttiń 5 áleýmettik bastamasy» aıasynda Ó. Sultanǵazın atyndaǵy QMPÝ jataqhanasynyń qurylysy júrgizilýde. Jobanyń jalpy quny – 575,9 mln teńge. Qazirgi ýaqytta qurylys-montaj jumystary júrgizilýde. Qurylysty 2020 jyldyń kókteminde aıaqtaý josparlanýda. Jaqyn arada taǵy da 4 jataqhana salý josparlanǵan. Sol arqyly aımaqtaǵy jataqhana máselesi tolyǵymen sheshilýi tıis», - dep málimet berdi basqarma basshysy mindetin atqarýshy.

Basqarma aqparatyna súıensek, osy jyly 618 jas maman «Nurly jer» memlekettik baǵdarlamasy boıynsha jańa páterge qonystandy. Olardyń deni jas dárigerler.

Aıta keteıik, búgin Qostanaı oblysynyń ákimdiginde ótken selektorlyq jıynda kıeli nysandardyń qoljetimdiligin arttyrý jáne ınfraqurylymdy damytý boıynsha jasalǵan Jol kartasynyń oryndalý barysy talqylandy.

Bizdiń kanalymyzǵa jazylyńyz:

Bólisińiz:

Avtor:

Qasqyrbaı Qoıshymanov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT