+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Qostanaı oblysy halqynyń jartysyna jýyǵy vaktsına aldy

2021 jylǵy 29 shilde 17:23
Bólisińiz:
Qostanaı oblysy halqynyń jartysyna jýyǵy vaktsına aldy

QOSTANAI. QazAqpart — Qostanaı oblysynda 239 myńnan astam adam vaktsına aldy, oblys halqyn vaktsınamen qamtý 47,3%-dy quraıdy. Bul týraly QazAqparatqa oblystyq densaýlyq saqtaý basqarmasy basshysynyń orynbasary Anjela Beksultanova habarlady.

Uqsas jańalyqtar
Elimizde qansha adamnyń koronavırýs vaktsınasyn saldyrǵany belgili boldy Atyraýda vaktsına saldyrǵan 18 jasar bozbala mıllıoner atandy Ózbekstanda ekpe naýqany bastalǵaly vaktsınanyń 18 mln dozasy salyndy

1 aqpanda Qostanaı oblysynda COVID-19-ǵa qarsy vaktsınalaý bastaldy.

Bul jumysqa óńirdiń 31 medıtsınalyq uıymy tartyldy. Onyń 5-i – vaktsınalaýdyń bastapqy jáne qaıtalama kezeńderine arnalǵan kabıneti bar jeke klınıkalar.

Sondaı-aq vaktsınatsııany 181 statsıonarlyq jáne jyljymaly egý pýnktileri júrgizedi.

A. Beksultanovanyń málimetinshe, medıtsınalyq uıymdardyń vaktsınany saqtaýy úshin 104 muzdatqysh jabdyq bar.

Bir ýaqytta shamamen 173 myń doza saqtalady. Kólemi 2-den 50 lıtrge deıin aralyqta 817 termokonteıner bar.

Sondaı-aq vaktsınany aımaqtarǵa tasymaldaý kezinde sýyqty qamtamasyz etetin tońazytqyshtar bar.

«Búgingi tańda oblysqa birinshi komponenttiń 279 500 dozasy jáne vaktsınanyń ekinshi komponentiniń 194 415 dozasy jetkizildi. Birinshi komponentpen 239 028 adam vaktsınalandy, oblys halqyn vaktsınamen qamtý 47,3%-dy quraıdy, – dep tolyqtyrdy Anjela Beksultanova. – Vaktsınalaýdy júrgizýge oqytýdan ótken 426 medıtsına qyzmetkeri jumyldyryldy».

Pandemııa bastalǵannan beri aımaqta 20 myńnan astam COVID-19 oqıǵasy tirkeldi.

«Infektsııaǵa qarsy turý úshin oblysta 907 naýqas jatqan 1 907 ınfektsııalyq tósekti qosa alǵanda 2 207 tósek bar, olardyń júktemesi - 47,5%. Sondaı-aq 56 naýqas jatqan 300 karantın tósek-oryn júktemesi - 18,6%. Ambýlatorııalyq baqylaýda aýyrlyq dárejesi jeńil 1 268 adam jatyr», – dedi densaýlyq saqtaý basqarmasy basshysynyń orynbasary.

Sondaı-aq oblysta medıtsınalyq uıymdardy jeke qorǵanys quraldarymen qamtamasyz etý máselesi turaqty baqylaýda.

A. Beksultanovanyń aıtýynsha, medıtsınalyq uıymdarda COVID-19 emdeý hattamasyna kiretin 85 ataý boıynsha qorǵanys quraldarynyń qory bar.

Bul aldaǵy eki aıǵa jetedi.

«4 iri statsıonarda (oblystyq aýrýhana, Qostanaı jáne Rýdnyı qalalyq aýrýhanalary, Tobyl qalasyndaǵy oblystyq ftızıopýlmonologııa ortalyǵy) ortalyqtandyrylǵan ottegi jelisi júrgizildi. 717 ottegi kontsentratory jáne 700 ottegi ballony bar. Jalpy, oblysta epıdemıologııalyq jaǵdaı kúrdeli, biraq turaqty», – dep qorytyndylady Anjela Beksultanova.


Bizdiń kanalymyzǵa jazylyńyz:

Bólisińiz:

Avtor:

Gúlzat Aqjolova

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT