+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Qostanaı kolledjderi oqýǵa qabyldaý kezinde «basy artyq» qujattar suratqan

2021 jylǵy 2 tamyz 15:21
Bólisińiz:
Qostanaı kolledjderi oqýǵa qabyldaý kezinde «basy artyq» qujattar suratqan

QOSTANAI. QazAqparat – Qostanaı oblysynda kolledjder memlekettik qyzmetter standarty boıynsha qarastyrylmaǵan qujattardy suratqan. Bul qujattar tehnıkalyq jáne kásibı bilim uıymdaryna qabyldaý kezinde talap etilgen, dep habarlaıdy QazAqparat tilshisi memlekettik qyzmet isteri departamentiniń baspasóz qyzmetine silteme jasap.

Quqyq buzýshylyqty monıtorıng barysynda qoǵam belsendileri anyqtaǵan. Qorytyndy oblystyń memlekettik qyzmet isteri departamentiniń janyndaǵy vedomstvoaralyq jumys tobynyń otyrysy kezinde jarııalandy.

13 kolledjde standartpen bekitilgen qujattar tizimine qaramastan, bilim mekemeleriniń qyzmetkerleri standart boıynsha qarastyrylmaǵan basqa da qujattardy talap etken.

«Mysaly, Qostanaı qyzmet kórsetý salasy kolledji standarttyq qujattardan bólek, ata-analardyń tólqujatynyń kóshirmesin jáne mektepten minezdeme suratqan, Áýlıekól aýyl sharýashylyǵy kolledji talapkerdiń tólqujaty nemese týý týraly kýáliginiń kóshirmesin, 6 dana 3h4 sýret, flıýrografııa sýretin talap etken», - dedi vedomstvodan. – Al Qostanaı joǵary ekonomıkalyq kolledji 086/ý formasyndaǵy medıtsınalyq anyqtama suratqan, alaıda qazirgi kezde onyń ataýy – 075/ý».

Qoǵamdyq monıtorıngten tek úsh kolledj ǵana sátti ótti – Qostanaı gýmanıtralyq kolledji, Qostanaı qurylys kolledji jáne Jitiqara polıtehnıkalyq kolledji.

Júrgizilgen qoǵamdyq monıtorıng qorytyndysy boıynsha oblystyń memlekettik qyzmet isteri departamenti bilim uıymdaryna usynystar jiberdi.


Bizdiń kanalymyzǵa jazylyńyz:

Bólisińiz:

Avtor:

Bıbihan Serikova

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT