+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

Qostanaı avtovokzaly jabyla ma - basqarma túsinik berdi

2021 jylǵy 5 tamyz 13:56
Bólisińiz:
Qostanaı avtovokzaly jabyla ma - basqarma túsinik berdi

QOSTANAI. QazAqparat – Qostanaı oblysy ákimdiginiń jolaýshylar kóligi jáne avtojoldar basqarmasy oblys ortalyǵynda avtovokzal jabylýy múmkin degen aqparatqa qatysty túsinik berdi, dep habarlaıdy QazAqparat tilshisi.

Vedomstvo basshysy Oljas Nurǵalıevtiń aıtýynsha, 2021 jyldyń shilde aıynyń sońynda «Qostanaı avtovokzaly» JShS-dan 2021 jyldyń 1 qyrkúıeginen bastap qarjylyq jaǵdaıyna baılanysty óz qyzmetin toqtatý týraly hat alynǵan.

«Alaıda, búgingi kúnge deıin kásiporynnan «Qostanaı oblysy ákimdiginiń jolaýshylar kóligi jáne avtomobıl joldary basqarmasy» MM atyna bekitilgen úlgi (QR Ulttyq ekonomıka mınıstriniń 06.01.2015 jylǵy №4 buıryǵy) boıynsha avtovokzal qyzmetin toqtatý týraly tıisti habarlama túsken joq. Búgingi kúnde kásiporynǵa bıýdjet qarajaty esebinen materıaldyq kómek kórsetý múmkin emes. «Qostanaı avtovokzaly» JShS jeke kásipkerlik sýbektisi bolǵandyqtan, kommýnaldyq jáne basqa da qyzmetter úshin qaryzdardy óteý úshin materıaldyq kómek kórsetýge qarjy bólý bıýdjettik zańnamada kózdelmegen. Sondaı-aq, avtovokzaldar men avtostantsııalardyń qyzmetin sýbsıdııalaýdyń ázirlengen jáne bekitilgen qaǵıdalary joq», - dep atap ótti ol.

Sonymen qatar, «QJEK» MKK aldynda tutynylǵan jylý energııasy úshin bereshekke qatysty MKK-nyń resmı jaýabyna sáıkes 2020 jyly TJ rejımi kezeńinde avtovokzalǵa jınaqtalǵan bereshekke ósimpul eseptelmegen.

Sondaı-aq, 2020 jyldyń qyrkúıeginde kompanııa jınalǵan qaryzdy óteý kestesin kelisken.

«2021 jyldyń qańtarynda «Qostanaı avtovokzaly» JShS kepilhatyna sáıkes 2020 jyly alynǵan tutynylǵan jylý energııasy úshin qaryzdy óteý kestesi kelisildi, ol kelisilgen merzimde ótelmegen», - dep qorytyndylady basqarmada.



Foto: kstnews.kz

Bizdiń kanalymyzǵa jazylyńyz:

Bólisińiz:

Avtor:

Aıaýlym Altynbek

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT