Qosshyǵa qala kelbetin berý kerek – Aqmola oblysynyń ákimi
2021 jylǵy 26 qarasha 19:53

Qosshyǵa qala kelbetin berý kerek – Aqmola oblysynyń ákimi

NUR-SULTAN. QazAqparat – Aqmola oblysynyń ákimi Ermek Marjyqpaev oblystaǵy Qosshy qalasyn damytý jumystary týraly aıtyp berdi, dep habarlaıdy QazAqparat.«Qosshy aýyly oblystyq mańyzy bar qala mártebesine ıe boldy. Biraq biz munyń mártebe ekenin, al mazmuny boıynsha aýyl qalaǵa aınalýy úshin aýqymdy keshendi jumys júrgizý qajettigin jaqsy túsinemiz», - dedi Ermek Marjyqpaev Óńirlik kommýnıkatsııalar ortalyǵynda ótken brıfıngide.

Ákimniń málimetinshe, elorda mańyndaǵy aımaqqa 20 mlrd teńgege jýyq ınvestıtsııa salyndy.

«Qosshy boıynsha 2017 jyly 2 mlrd teńge bólinse, 2018 jyly 6 mlrd teńge, al eki jylda Qosshy qalasyn damytý úshin 7 mlrd teńgeden bólemiz. Bólingen qarajatqa qaramastan, elorda mańyndaǵy aımaqta kóptegen máseleler bar ekeni túsinikti», - dedi ákim.

Ermek Marjyqpaevtyń aıtýynsha, 2011 jyly Qosshy halqy 7 myń adamǵa jetken, al qazirgi ýaqytta qalada 65 myńǵa jýyq adam turady.

«Talapker, Jibek Joly, Ilınka (Qaraótkel), Qoıandy eldi mekenderinde 15-ten 20 myńǵa deıin adam turady, ıaǵnı halyq kóp, jáne biz ınjenerlik jelilermen de, áleýmettik sala obektilerimen de jumys júrgizip jatyrmyz», - dep atap ótti E. Marjyqpaev.

Ákim Qosshyda 4 áleýmettik nysan men 1200 oryndyq mektep paıdalanýǵa beriletinin atap ótti.

«Qazir 100 oryndyq emhanany aıaqtap jatyrmyz, aldaǵy jyly 1200 oryndyq mektepti tapsyramyz jáne dene shynyqtyrý-saýyqtyrý kesheniniń qurylysyn bastaımyz. Mádenıet úıin jobalaı bastadyq, birqatar sport alańdaryn jobalap jatyrmyz, ıaǵnı Qosyshǵa qala kelbetin berý kerek. Joldar boıynsha úlken jumys atqarýdamyz. Respýblıka kómektesip, oblys birlesip qarjylandyryp jatyr. Biz Qosshy boıynsha týyndaǵan máselelerdi jedel sheshýge tyrysamyz. Bolashaq jaman emes. Búginde elektrmen jabdyqtaý, jańa yqsham aýdandardy sýmen jabdyqtaý boıynsha JSQ ázirlep jatyrmyz. Qala qala bolýy úshin barlyǵyn jasaımyz», - dep atap ótti E.Marjyqpaev.

Ákimniń málimetinshe, qalany damytý úshin aldaǵy bes jylda bıýdjetten 113 mlrd teńge bólý josparlanǵan.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT